Wiilka Madaxweynaha Uganda: Aniga iyo ciidamadeyda laba isbuuc naguma qaadenyso in aan ku qabsanno Nairobi

[Deeq A.]

Taliyaha ciidamada militeriga Uganda ahna wiilka madaxweynaha dalkaas Muhoozi Kainerugaba, ayaa sheegay in aysan waxba la ahayn in uu qabsado Niarobi.

Qoraal uu soo dhigay barta uu ku leeyahay Twitterka ayuu ku sheegay in uu aad uga xunyahay in sababa la xiriira dastuurka Kenya, darteed uusan markii saddexaad xilka madaxweynaha Kenya isku soo sharixin madaxweynihii hore ee dalkaaas Uhur Kenyatta.

My only problem with my beloved big brother is that he didn't stand for a third term. We would have won easily! pic.twitter.com/6fmsJSXkii

— Muhoozi Kainerugaba (@mkainerugaba) October 3, 2022

Wiilka uu dhalay Museveni, ayaa sidoo kale sheegay in ay su’aallo ka taagan ka taagan tahay in Uganda ay ku duuleyso dhiggeeda Kenya.

Haha! I love my Kenyan relatives. Constitution? Rule of law? You must be joking! For us there is only the Revolution and you will soon learn about it!

— Muhoozi Kainerugaba (@mkainerugaba) October 3, 2022

“Annaga waxaan aminsannahay Kacaanka oo keliya, dhawaanna waad baran doontaan,” ayuu yiri general Muhoozi, oo ah Taliyaha ciidamada militeriga Uganda ahna wiilka madaxweynaha dalkaas.

Wilkaan oo qoraaladiisa ay baraha bulshada aad u qabsadeen ayaa sidoo kale sheegay in aysan laba isbuuc ku qaadaneynin ay qabsadaan ciidamadiisa Nairobi.

It wouldn't take us, my army and me, 2 weeks to capture Nairobi.

— Muhoozi Kainerugaba (@mkainerugaba) October 3, 2022

“Aniga iyo ciidamadeyda laba isbuuc naguma qaadenyso in aan ku qabsanno Nairobi”ayuu yiri general Muhoozi, oo ah Taliyaha ciidamada militeriga Uganda ahna wiilka madaxweynaha dalkaas.

Taliyaha ayaa sidoo kale ku katamay haddii ay ciidamadiisa qabsadaan Kenya halka uu jeclaan lahaa in uu ku noolaado Westlands iyo  Riverside, oo ka tirsan Nairobi.

After our army captures Nairobi, where should I live? Westlands? Riverside?

— Muhoozi Kainerugaba (@mkainerugaba) October 3, 2022

“Ka dib markii ay ciidankeena qabsadaan Nairobi, halkee ayaan ku noolaan lahaa? Westlands? Riverside?”, ayuu yiri markale taliyaha ciidamada militeriga Uganda.

Hadalka ka soo yeeray taliyaha ciidamada militeriga Uganda, ayaa layaab ka abuuray baraha bulshada ay ku xiriirto, waxaana dadka qaar ay ku tilmaameen hadal kaftan ah.

Goobjoog News

Source: goobjoog.com