Xarunta Ciidanka Haramcad oo Loogu Magacdaray Taliyihii Geeriyooday Ee General Farxaan Qaroole

[Deeq A.]

Wareegto kasoo baxday taliska ciidanka  Booliiska Soomaaliya ayaa waxaa lagu sheegay in xerada ciidanka Booliiska gaarka ah ee Haramcad loogu magac daray Allah u naxariistee taliyihii ciidanka Booliiska gobolka Banaadir Farxaan Maxmuud Aadan oo ku geeriyooday Jimcihii deegaanka Basra Qarax halkaas ka dhacay, isagoo shalay Muqdisho lagu aasay.

Wasiirka arrimaha gudaha xukuumadda federalka Soomaaliya Axmed Macalin Fiqi ayaa sheegay in marxuumka uu lagu xasuusan doono goobo badan oo loogu magac bixinayo, waxaana goobtii ugu horeysay ay noqotay xarunta taliska ciidanka Booliiska Gaarka ah oo magaceeda loo badelay xerada General Faraxaan, taas oo xarun u ah ciidanka Haramcad.

Goobjoog News

Source: goobjoog.com