“Xisbiga WADDANI Waxa Uu Diyaar U Yahay Inuu Ka Qaybgalo Dhammaan Doorashooyinka Astaysan…” Guddoomiye Xirsi

[Deeq A.]

“Xisbiga WADDANI waxa uu diyaar u yahay inuu ka qaybgalo dhammaan Doorashooyinka astaysan, gaar ahaan doorashada Madaxtooyada oo iyadu ah ta u soo horraysa.”

Waxaan bogaadin u dirayaa hoggaanka cusub ee Komishanka Doorashooyinka Qaranku ay iska dhex doorteen. Guddoomiyaha, guddoomiye kuxigeenka iyo Af-hayeenka KDQ waan hambalyaynayaa waxaanan u rejaynayaa xilgudasho wanaagsan.

Xisbiga WADDANI waxa uu soo dhawaynayaa hoggaanka cusub, waxaanu ula shaqayn doonaa sida ugu habboon, guud ahaanna waxa aannu diyaar u nahay lashaqaynta xubnaha KDQ dhammaantood, sidii aannu Komishannadii ka horreeyeyb ula shaqayn jirnay.

Komishanka Doorashooyinka Qaranka waxa laga sugayaa inay soo diyaarinayaan khariidada doorashooyinka iyagoo ku salaynaya sida ay u kala horreeyaan, xisbiga WADDANI na waxa uu diyaar u yahay inuu ka qaybgalo dhammaan Doorashooyinka astaysan, gaar ahaan doorashada Madaxtooyada oo iyadu ah ta u soo horraysa.

Ugu dambayn, hoggaanka cusub iyo guud ahaan xubnaha KDQ waxaan rejaynayaa inay noqon doonaan garsoor umadda Somaliland mahadiso.”

Guddoomiye Xirsi Cali Xaaji Xasan

Source