Wasiirka Duulista Hawada oo La Kulantay Agaasimayaal Ka Socday Hay’adda Duulista Rayidka

[Deeq A.]

Wasiirka Gaadiidka iyo Duulista Hawada Xukuumadda Soomaaliya Marwo Fardowsa Cismaan Cigaal ayaa Kulan lagu daedar galinayo Shaqooyinka Hay’adda Duulista Rayidka ah la qaadatay qayb ka mid ah Agaasimayaasha Hay’adda Duulista Rayidka ah ee Soomaaliyeed.

Kulanka waxaa goob joog ka ahaa Maareeyaha Hay’adda Duulista Rayidka ah ee Soomaaliyeed, waxaana intii kulanku socday lagu soo bandhigay waxyaabihii u qabsoomay Agaasimayaasha waaxyaha Hay’adda Duulista Rayidka ah ee Soomaaliyeed.

Wasiirka Gaadiidka Marwo Fardowsa Cismaan ayaa Waaxayaha kala duwan ee Hay’adda Duulista Rayidkaah fartay in shaqooyinka la daadajiyo, waxayna sheegtay in Hay’adda Duulista Rayidka shaqooyinkeeda oo horumara ay tahay yoolalka koowaad ee muujinaya Soomaaliya inay yeelanayso Mustaqbal ifaya.

Ugu Dambayn Wasiir Fardowsa Cismaan Cigaal ayaa sheegtay in kulamada Isla xisaabtanka ee Shaqooyinka kor loogu qaadayo ay joogto noqonayaan, si loo balaariayo adeegyada Shacabka Soomaaliyeed ay siiso Hay’adda H.D.R.S.

PUNTLAND POST

The post Wasiirka Duulista Hawada oo La Kulantay Agaasimayaal Ka Socday Hay’adda Duulista Rayidka appeared first on Puntland Post.