Ciidamada Galmudug oo qabtay Gaari qaraxyo siday iyo dadkii watay

[Deeq A.]

Ciidamada Amniga Galmudug ayaa hawlgal ay sameeyeen ku qabtay in ka badan 50 qarax oo la doonayay in la soo geliyo magaalada Gaalkacyo sida laga soo xigtay Saraakiisha Galmudug.

Saraakiisha Laamaha Amniga Galmudug ayaa sheegay in hawlgalkaas lagu qabtay noocyada kala duwan ee miinooyinka iyo dadkii watay oo gaari ku siday islamarkaana baaritaan lagu hayo.

Gaarigan qaraxa laga soo buuxiyay ayaa lagu soo qabtay degaanka Dagaari oo qiyaastii 30km dhinaca koonfureed uga beegan magaalada Gaalkacyo, waxaana ciidamadu ku raad joogaan rag kale oo lala xiriirinayo inay ku lug leeyihiin qaraxan.

Mas’uuliyiinta Amniga Galmudug ayaa sidoo kale sheegay in ay soo bandhigidoonaan gaariga qaraxa siday iyo halka uu ahaa bartilmaameedkiisa.

PUNTLAND POST

The post Ciidamada Galmudug oo qabtay Gaari qaraxyo siday iyo dadkii watay appeared first on Puntland Post.