Dowladda Iran oo dammaanad ku xirtay dhaqan-gelinta heshiiskii hubka Nukliyeerka

[Deeq A.]

Mas’uuliyiinta waddanka Iran ayaa sheegay in ay aqbalayaan hindisaha Midawga Yurub ee ah in dib loo dhaqangeliyo heshiiskii laga gaaray hubka Nukliyeerka ee dalka Iran sannadkii 2015, haddii la helo cid dammaanad qaadda fulinta heshiiskaas.

Midawga Yurub ayaa maalmo ka hor sheegay in ay soo saareen qoraalka rasmiga ah ee heshiiska, ka dib afar maalmood oo ay wadahadalo aan toos ahayni uga socdeen magaalada Vienna, saraakiil kala metelaysay Maraykanka iyo Iran.

Mas’uul sare oo ka tirsan Midawga Yurub ayaa sheegay in aan heshiiskan lagu samayn doonin wax ka bedel cusub, islamarkaana ay soo qaadatay muddo 15 bilood ah in gorgortan laga sameeyo si loo soo saaro qoraal heshiis lagu yahay.

Sarkaalkaas ka tirsan Midawga Yurub ayaa xaqiijiyay in toddobaadyada soo socda la gaari doono heshiiska ugu dambeeya ee arrimaha la xiriira hubka Nukliyeerka ee dalka Iran

PUNTLAND POST

The post Dowladda Iran oo dammaanad ku xirtay dhaqan-gelinta heshiiskii hubka Nukliyeerka appeared first on Puntland Post.