Xisbiga Waddani oo ka hadlay tacaddiyo lagu sameeyay dadka mudaharaadaya iyo siyaasiyiinta mucaaradka

[Deeq A.]

Guddoomiyaha Xisbiga Waddani ee Somaliland Xirsi Cali Xaaji Xasan ayaa Xukuumadda Muuse Biixi ku eedeeyay in ay carqalad iyo awood ciidan kala hortimid bannaan-baxyo salmi ah oo ay dhigayeen shacabka.

Guddoomiye Xirsi ayaa sheegay in la xiray dhammaan isgoysyadii iyo jidadkii muhiimka u ahaa magaalada Hargeysa islamarkaana isgaarsiinta Internet-ka laga jaray guud ahaan Somaliland si loo qariyo tacaddiyada ka dhanka ah Shacabka iyo siyaasiyiinta mucaaradsan Xukuumadda.

Guddoomiyaha ayaa sheegay in qaar kamid ah siyaasiyiinta xisbiga Waddani lagu sameeyay xarig iyo jirdil halka shacabkana loo adeegsaday rasaas nool-nool sida uu ku qoray bartiisa Facebook.

“Bannabaxanan silmiga ahi waa hordhaca halgan ummadeed oo lagu badbaadinayo Qaranka” ayuu sii raaciyay.

PUNTLAND POST

The post Xisbiga Waddani oo ka hadlay tacaddiyo lagu sameeyay dadka mudaharaadaya iyo siyaasiyiinta mucaaradka appeared first on Puntland Post.