Maxaa lagu fasiray dhaq dhaqaaqyada siyaasadeed oo uu wado madaxweyne Deni?

[Deeq A.]

Madaxweynaha Puntland, Siciid Cabdullaahi Deni ayaa  bilaabay olole siyaasadeed oo ku jihaysan doorashada Puntland ee sannadka 2024, sida laga fahmay dhaq dhaqaaqyo uu maalmahan wado.

Madaxweyne Deni, ayaa muddooyinkii u danbeeyay xarunta madaxtooyada Garoowe ka wada kulamo kala duwan oo intooda badan aysan shaacin bogga warfaafinta madaxtooyada.

Kulamada qaarkood ayuu ka sheegay in ay ka go’antahay dhammaystirka barnaamijka doorashooyinka qof iyo cod, kaas oo markii u horraysay xukuumaddiisu ka qabatay saddex degmo oo keliya.

Kulamo kale ayuu sida laga soo weriyay ka sheegay in mudda-xileedka u harsan, uu ku dadaalayo hirgelinta inta dhiman ballan-qaadyadii uu ku galay doorashada.

Dhaq dhaqaaqysada Siciid Deni ayaa siyaasiyiinta qaarkood aaminsan yihiin in uu ku doonayo mudda-kororsi, halka qaar kalena rumaysan yihiin in uu mar kale raadinayo dib u-doorasho.

Waxaase xooggan siyaasiyiinta qaba in Mr Deni uu ku jiro olole dib u-doorasho, inkastoo isagu aanu ka hadlin wax la xiriira damaciisa doorashada 2024.

PUNTLAND POST

The post Maxaa lagu fasiray dhaq dhaqaaqyada siyaasadeed oo uu wado madaxweyne Deni? appeared first on Puntland Post.