Xildhibaan Khadiijo Al-Makhsuumi oo shaacisay dhibaatooyin haysta safaaradaha DF

[Deeq A.]

Muqdisho (Caasimada Online) – Xildhibaan Khadiijo Maxamed Al-Makhsuumi oo hore u aheyd safiirka Soomaaliya ee Pakistan ayaa markii u horeysay shaacisay in safaaradaha dibedda ee Soomaaliya ay wajahayaan dhibaatooyin ay kow ka tahay dhaqaalo xumo baahsan.

Xildhibaanada ayaa sheegtay in dhaqaalaha miisaaniyada ugu jira safaaradaha dibadda ee Soomaaliya aysan siday tahay u gaarin, ayada oo wasiirka ka dalbatay kulankii baarlamaanka in uu cadeeyo sababaha ay u fuli weyday.

“Safaaradaha culeyska haysta waa mid la dareemi karo oo intaas sanadooda ay ku jiraan. Waxaa raba in aad dareentan safaaradaha wadamada ajnabi jooga ee lacagtaas soo galin daruufahee ku noolan karaan,” ayey tiri.

“Haddii aan la siin karin lacagtaas waa in Wasiir u cadeysa baarlamaanka, safaaradaha iyo madaxweynaha arrimahaas dhibaatada taagan.”

Dhinaca kale, Xildhibaanad Khadiijo ayaa dalbatay in Wasiirka Maaliyada uu 6-dii bilood halmar hor-yimaado Baarlamaanka si loo kor joogteyo in sideeda u fusho miisaaniyada ay ansixiyaan.

“Wasaaradda Maaliyada waxay u baahan tahay in lix bilood kasta in lala hadlo sidii wax u qabsadeen iyo sida wax loo bixiyo la ogaado oo halkan keenaan lix bilood kasta.”

Ugu dambeyntiina waxay dalbatay in guddi loo saaro si ay ula socdaan culeysyada haysta wasaaradaha dowladda federaalka iyo in sidii loogu tala-galay u gaaran dhaqaalaha ugu jira miisaaniyada.

The post Xildhibaan Khadiijo Al-Makhsuumi oo shaacisay dhibaatooyin haysta safaaradaha DF appeared first on Caasimada Online.