Guddoomiyaha Gobolka oo Magacaabay Guddiga Heer Gobol Ee Todobaadka Xoriyadda

Deeq A. · June 20, 2022

Guddoomiyaha gobolka Banaadir ahna quqa Magaalada Muqdisho mudane Cumar Maxamuud Maxamed (Cumar Filish) ayaa maanta oo ay taariikhda ku began tahay (Isniin 20 June 2022) shir guddoomiyay kulan looga hadlaayay u-diyaar garowga Todobaadka Xorriyadda Soomaaliya ee 26 june iyo 1 da Luulyo, kaasoo ay kasoo qeyb galeen dhammaan guddoomiyeyaasha degmooyinka iyo deegaanada gobolka Banaadir, Taliyeyaasha Laamaha Amaanka ee Qeybta Guud Ciidanka Booliska Soomaaliyeed iyo qaar kamid ah Agaasimeyaasha maamulka gobolka Banaadir iyo dowladda hoose ee Xamar.

Shirkaan ayaa waxa uu ahaa mid uu duqa Magaalada Muqdisho ku farayay Madaxda Maamulada iyo saraakiisha laamaha Amniga sidii ay ugu diyaar garoobi lahaayeen xuska maalmaha qaran ee 26 June iyo 1 da Luulyo, isla markaana loo wacyigelin lahaa bulshada ku dhaqan caasimada lana gaarsiin lahaa fariinta duqa magaalada ee ah in laga wada qeyb-qaato xuska todobaadka xorriyadda iyadoo la fulinayo awaamiirta maamulka gobolka Banaadir ee ah in astaanta qaranka la suro guryaha iyo goobaha ganacsi ee saaran wadooyinka waaweyn ee magaalada iyo sidoo kale in laga wada shaqeeyo nadaafada iyo bilicda caasimada.

Guddoomiyaha Gobolka Banaadir ahna duqa Magaalada Muqdisho Mudane Cumar Maxamuud Maxamed (Cumar Filish) ayaa Magacaabay Guddi Heer Gobol oo isugu jira guddoonka maamulka gobolka, agaasimeyaal iyo guddoomiyeyaal degmo ayna hogaamineyso Guddoomiye Kuxigeenka Arrimaha Bulshada iyo Wacyigelinta Maamulka Gobolka Banaadir Marwo Basma Caamir Axmed (Jakeeti) kuwaasi oo ka shaqeyn donna xuska Todobaadka Xorriyadda, isla markaana la fal-geli donna Guddiga Heer Qaran ee Xuska Todobaadka Xorriyadda Soomaaliya.