Ruushka oo hubka halista ah ee la mamnuucay ku garaacay Ukraine iyo Zelensky oo codsi deg deg diray

[Deeq A.]

Kharkiv (Caasimada Online) – Ruushka ayaa boqolaal kun oo qof ku dilay magaalada Kharkiv ee dhacda waqooy bari Ukraine kadib markii ciidamada Ruushka ay si aan kala sooc laheyn halkaas ugu garaaceen bambaabooyinka la mamnuucay ee cluster , sida laga soo xigtay hay’adda Amnesty International.

Amnesty waxay sheegtay inay heshay caddeymo muujinayaa in ciidamada Ruushka ay si joogto ah u adeegsadeen bamaabooyinka cluster gaar ahaan kuwa saameynta xooggan geysta.

BBC-du waxay booqatay shan goobood oo kala duwan oo ay saameyn ku yeesheen hubkangaar ahaan xaafadaha la deggan yahay ee Kharkiv, waxaan aragnay caddaymo ku saabsan saameynta ka dhalatay hubka cluster.

Waxaa nala tusiyay sawirrada khuburadda hubka ay kasoo qaadeen goobaha hubka lagu weeraray, waxay sheegeen in saameynta ka dhalatay bambaanooyinkan la mamnuucay ay yihiin kuwa joogta ah.

“Saamayntaas waa mid ka dhalatay hubka cluster kooxaha, waa arrin iska cad,” ayuu yiri Mark Hizney, oo ah cilmi-baare sare oo ka tirsan qeybta hubka ee Human Rights Watch.

Dhanka kale, Madaxweynaha Ruushka Volodymyr Zelensky ayaa codsaday in dalkiisa la siiyo hubka casriga ah ee difaaca gantaallada si uu dalkiisa uga hortaggo weerarada Ruushka.

Wuxuu sheegay in dalkiisa lagu soo riday in ka badan 2,600 gantaal tan iyo duulaanka Ruushka ee Ukraine. Wuxuu sheegay in dalkiisa uu u baahan yahay qalabka difaaca gantaallada ee Israa’iil iyo qalab kale ee uu leeyahay Mareykanka ee American Patriot batteries.

Gantaallada Ruushka ayaa ku hoobanayay Ukraine tan iyo markii uu bilowday dagaalka halka qaar badan la qabtay. Qalabka difaaca hawada oo kaliya ah uma baahno Ukraine, waxay codsanayaan in la siiyo hub badan sida madaafiicda xilli uu dagaal xooggan ka socdo gobolka Donbas ee bariga Ukraine.

Dhiig badan ayaa ku daadatay dagaalka ka socda magaalada Severodonetsk iyadoo labada dhinac uu gaaray khasaare.

The post Ruushka oo hubka halista ah ee la mamnuucay ku garaacay Ukraine iyo Zelensky oo codsi deg deg diray appeared first on Caasimada Online.