Gabay to Puntland/Somaliland Admins

[Abdulladiif Al-Fiqih]

Gabay: Roda Afjano

 

 

Roodo Ibraahim Cabdi Gurey, Afjano

 

Waxay curisay Abwaanaddu kadib markey Puntland weerar ku qaadeen dadka ********ya udhashay ee ku noolaa Boosaaso iyo Garoowe 12/04/2008 - 22/04/2008.

 

-Intaa aad dhex joogteen aduun malaggu kaa dheelmin.

-Qoraxdii dhacaysaba waxbay kuula soo dhalane.

-Dhaka faar wax keeniyo farxadi waysu dhawdahaye.

-Dhawaaqii Garoowiyo kayimid dhinaca Boosaaso.

-Dhimbiil aad u kululbuu ahaa dhibic rasaaseede.

-Dhagahaygu goortay maqleen dhirif i saameeye.

 

 

-Dhamaan reer ********ya way wada dhalaaleene.

-Dhuuxiyo quluubtaa na huri dhamal sidiisiiye.

-Dhuug iyo intay baal cadani dhawda nagu hayso.

-Dhanqaryadu nadayn mayso oo waan dhutinaynaaye.

-Dhagax turun turiyo qoofalbaa dhadka noo galiye.

 

-Boogta dhaymo waydiyo nabraha aan u dhaadhaco’e.

-Illahay ha dhawree raggii cadawga loo dhoofshay.

-Hooyooyinkii dhaawacmee dhaayaq lagu toogtay.

-Iyo jeelka kii lagu dhex dilay ma aha dheeldheele.

-Nimankii ku dhiiraday hadana dherebta saaraaya.

-Dhogortii wadanigay tigree ugu dhawaadeene.

 

-Dhabihii Hargaysay mareen barana sii dheere.

-Dhooroof la’aanbay tubtii ugu dhaqaaqeene.

-Dhudhubtaa qodxaha badan horaa loogu dhiidhyadaye.

-Haday dhayal sadaan reer Puntland taladan dhooboowday.

-Waxa ay dhashiyo waa mid ay yeelan dhaxalkeede.

 

-Hadii maamulkaa dhagarta galay aan la dhagax tuurin.

-Oon dawga ay dhinac mareen lagu dhaleecaynin.

-Oo aan dhismaa dumahayee dhiidhi laga muujin.

-Xumaatada in loo wada dhanyahay baa dharaar noqone.

-Waxa ay dhashiyo waa mid ay yeelan dhaxal keede.

 

-Culmida sharciga dheehatiyo dhigaha diinteena.

-Odayada dhasiig lagu hirtiyo samaha dhawraaya.

-Abwaanada dhambala ee murtida loogu shubay dhiilka.

-Dhalintiyo aqoonyahanka aan dhiman damiirkoodu.

-Dhumucdii haweenkiyo bulshada udub dhaxaadkeeda.

-Dhacdadaa xanuunka leh haday dhiilo galin waydo.

-Dhabna aan shacbigu uga gilgilan dhaqanku iimawye.

 

-Aheey nimanka uu cunay dhurwaa loona dhigay gawska.

-Dhimashadiyo way suga hayeen dhacan lasaaraaye.

-Dhiig duudsiga ani ii gubi dhamac sideediiye.

-Wuxuu dhimay nin diidoo indhaha dhoobo kuumariyay .

-Waa ruux dhashiisii dafiray oo ka maray dhaare.

-Ma wax dhuuman kari bay noqdeen nimanka dhaadheeri.

 

-Duulkaa martidaa dhaylyadee dhoosha ka halgaaday.

-Dhag xumada ayaa lala damcoo fure dharkoodiiye,

-Haysisoo dhariijeen xishood waa horuu dhumaye.

-Dhalaan raadad waawayn hadday dhaygag curiyeene.

-Dhoodhoo miyaa lagaga hadhi wayska dhalanteede.

 

-Dhamaantiinba Soomaaliyeey waad na dhababteene.

-Intii aan dhufays ugu jireen nacabka dheel maayay

-Dhibka aydun noo gaysateen xadadka soo dhaafye.

-Dhasalaalaq iyo talo xumaa saa idiin dhigaye.

-Waxba dheelalaw socodku yuu idinla dheeraane.

-Dhaayaha bal fura meel sokaad dhawarysaan wali’e.

 

-Gumaysiga na dhalan dooriyee dhaaxa nagu raagay.

-Hadii uu na dhabanaanin jiray idinka oo dhaaddan.

-Dhankiiniina waakaa tagee idinku dhaantayne.

-Dhuubkaynu ugu wada jiraa namana dhaantaane.

-Abeesadii na dhaadhyaysaybaad raarta dhigateene.

-Dhunkaal iyo waxaad beerateen geed dhagmaanyo ehe.

 

-Dhidibkiyo walaalnimadu waa labada dhoomoode.

-Mid haduu dhan taalana kan kale way ladheeliyiye.

-Dhinacaad jirteenbaa xumuhu nooga soo dhiciye.

-Isticmaarka dhalan dhoolayaad dhabanka saarteene.

-Anaguna waramha dhiiran ee dhabar jab gaadhsiiyay.

-Iyo dhoonbir halisaan wadnaha kala dhacaynaaye.

-Maxaynaga dhaxaynkara Tigree baad u dhurateene.

 

-Nin waliba dhul waa leeyihiyo kobu ku dhaataaye.

-Hadii lays dhex mari waayo oo dhoorka la is gooyo.

-Dhito subag ah lama hela hayiyo dhayda caanaha’e.

-Dhir magooshay iyo nabadu waa dheeha aadmiga e.

-Da ku dhimata mooyee colaad wiil ku dhalan waaye.

-Dhaayaha bal fura meel sokaad dhawraysaan waliye.

 

-Dhuuryada Itoobiyo ninkii dharaq ka doonaaya .

-Ama dhuuni nagu raadsanoow dhoohanaad tahaye.

-Waligeedba dheef maysan helin ay ku dharagtaaye.

-Dhafoor xumada kama guurto iyo dhuubni tag darane.

-Dhiishii fakhriga loogu shubay dhalada loo saarye.

-Dhandhamana ka heli maysid iyo dharab qoyaankiiye.

-Dharigeeda gaajada aday kugu dhardhaarayne.

 

-Dhar galkiyo wayaanaha xiligu wuu kadhacayaye.

-Dhulkanagana waa laga xoreyn dhuudhigaayimide.

-Dhaaraan ninkii noqonhayo kuu dhamays tiraye.

-Madhex maro wayaanuhu habeen suuqa Dhagaxbuure.

-Way soo dhawdahay guusha aan dherersanaayaaye.

-Dhirbaaxiyo ushaba waan karraa dhubuqle waashoowe.

-Dhawrsanaada Soomaaliyey wax idin dhaadhaanye.

Posted in Dhamac

[Abdulladiif Al-Fiqih]

Jawaabtii Hargeysa Boosaasana wali wa lasuggayaa

 

 

Boosaaso Jawaabtii Xiinbaa laggasugayaa

[Kamaavi]

AbduLadiif,

 

Jawaabtii Hargaysa meesha ma iiga muqaato.

 

Dib ugu yaraha noqo bal.

[Cabdow]

Afjano is a very talanted lady, thanx for sharing this TIX with us duqa!

 

This particular part speakes valumes, where she says;

 

-Hadii maamulkaa dhagarta galay aan la dhagax tuurin.

-Oon dawga ay dhinac mareen lagu dhaleecaynin.

-Oo aan dhismaa dumahayee dhiidhi laga muujin.

-Xumaatada in loo wada dhanyahay baa dharaar noqone.

-Waxa ay dhashiyo waa mid ay yeelan dhaxal keede.

[Ducaysane]

Nice Buraanbur

[Abdulladiif Al-Fiqih]

^ bal wax isku day waadigga buraanburta haye e!

 

 

Faran, I broke the link because I was linking from my Facebook account...that link was going direct to my facebook in-box. I have to find a better way to upload the clip.

 

In a nutshell, the reer hargeysa guy, wuu kagaraabay arinta wuxuuna dhahay arinta umawada-dhamin marka fal uu qoys reerka-ihi galay, yaan lanoo-wadadilin.

 

Dhinacakale, reer Puntland ayuu yara-taabtey isaggoo leh, reer punntland odeybaad wada-wadaagtaan marka gafkay idinkagalaan lama-barbardhigikaro gafkaan galo.

[xiinfaniin]

Waagii iigu danbaysay reerkayagu wuxuu lahaa hebla caytama . I await a fitting response in a buraanbur fashion to reason with this afjanno woman.

 

Afjanno has a point.

[Abdulladiif Al-Fiqih]

Waagii iigu danbaysay reerkayagu wuxuu lahaa hebla caytama

^Xiinow,adigga iyo Ducaysane lafihiina ubaqa afjano meeshay kujirtaaye

[xiinfaniin]

^^Taasaa mashaakila

 

Ducaysane se is ku filane , wallee anaa lay baqay

[Abdulladiif Al-Fiqih]

Hamigga Yurub iyo Hurdada afrika

 

 

[Goodir]

"Da ku dhimata mooyee colaad wiil ku dhalan waaye"

 

Soomaali miyey dhageysan!

[Kamaavi]

Originally posted by AbduLadiif:

Hamigga Yurub iyo Hurdada afrika

 

 

Adeerkiis way dhantahay, waan kaa hayaa.

 

Gabayagu tolow ma JB da'dii ka yarayd baa?

 

Gabay aabihii iyo gunaanad dhamaystiran.