Jacaylbaro Posted January 24, 2009 Dhabba waliba ceelkeed Ummad waliba dhaqankeed Dhalashana tixraaceed Dhegtu sheeko doontaye Dhar maxaan lahaan jiray Maxaan xoolo dhaqan jiray Maalintay dhannaantahay Dhulka yaa u halgami jiray Geesiga u dhiidhiyey Yaa dhiiga kicin jiray Dhinte yaa xogtiisa og Taariikhda yaa dhiga Dhidibkeedu waa kuma Dhug u yeesha maansada Hiddihiina dhaabane Murtidiina dhuuxa ah Suugaanta dhumucda leh Hibadiina dhaladka ah Dhaxalkiina weeyee Dhawrta idinkaa lehe ............................. Abwaan Xasan Ganey ... Quote Share this post Link to post Share on other sites
AYOUB Posted January 24, 2009 Dhulka yaa u halgami jiray Hindisihii ina Xaashi waa, lama-hilmaamaane Duqsi waa halkuu galay raggii, huriyey duullaane Waa halkuu Wadaad-diid go`aan, qaatay aan hadhine Waa hor-seedkii Koosaar wadiyo, haybsigii Madare Waa hor-kicii Jimcaaliyo ragguu, soo hannaan baraye Waa hoggaanki Siilaayo iyo, Tuur hankoodiiye Waa hawshii Xassan Ciise iyo, hagar-bixiisiiye Had iyo jeer xusuustaa qalbigu, ii hinqanayaaye Ku hagoogta taariikhda waa, lagu hal maalaaye!!! Halbawlihii Lixlaa loo jar-jaray, Aadan-heegane’e Harag-waafi iyo waa Haygu-guban, himiladoodiiye Hay-liqin iyo waa Maxamed-cali, hadaf u oollaaye Halyey-Aadan-shiinaan tebaa, hibadii saarrayde Hal-doorkii Dawaarraa god galay, hoydey waa hore’e Waa haanka dhiiggii ka baxay, hilibki Koodbuure Waa hootadii ina Mire iyo, hiilki qarameede Waa hubkuu aroornimo qaddimey, weerarkii hore’e Jimcii waa haraatidi Burcoo, cadawgu haysteene Had iyo jeer xusuustaa qalbigu, ii hinqanayaaye Ku hagoogta taariikhda waa, lagu hal maalaaye!!! Hal-adayg Cabdaa loo ogaa, Hawl-kar loo qiraye Waa halyey gadoodaye markuu, hawd ka diriraayey Hubka lagu deyaamiyo markuu, seefta la haliiley Hangash sirirsan mooyee la-waa, ciidan soo hadha’e Haddaa wali lafii oo engegan, haaddu fadhataaye, Hanadkii la-ciilaaba waa, haajiraa ficile Waa halkuu warmaa iyo Tolwaa, qaatay hootada’e Waa Habbane dagaalkuu la galay, hororki waallaaye Waa hujuunki ina Kaahin iyo, holac-afuufkiiye Waa halaskii ina Biixi dhigay, heegan-dirirkiiye Waa hoobiyii Carab madfaca, laba-higgoodkiiye Halgankii Bidaar iyo Malloosh, hubanti weeyaane Had iyo jeer xusuustaa qalbigu, ii hinqanayaaye Ku hagoogta taariikhda waa, lagu hal maalaaye!!! Dayib-gurey halaakaha wuxuu, helayba googgooye Waa Hawsar Dhega-weyne ridey, maalin haliseede Hilmaan ma leh Xaliimiyo ninkii, madhiyey, huushtiiye Dhagax waa harraadkuu mutiyo, haarihii dhibaye Waa xusuusta halkuu igaga yaal, Haybe Maxamuude Halkuu shiisho Qaadiro Jantaha, muu hanbayn jirine Cali baan habeen qudha ka ledin, gaadh habeennimo’e Haybe-laanbad muu hoyan ilaa, guushi uu helaye Had iyo jeer xusuustaa qalbigu, ii hinqanayaaye Ku hagoogta taariikhda waa, lagu hal maalaaye!!! Waa haabadii Maxamed-casiyo, raran-hullaaqiiye Kur-Libaaxle haamaha cul-culus, hubabki uu saydhay Hoohiga dabkuu shiday waxay, dubatey haaway’e Habeen-dhaladki Doolaal rag buu, dhiig ka heensadaye Hurraa sahayday khayrkii kolkii, Diinle lays helaye Lagu hoobey Haash iyo Sugaal, dabay hillaacsheene Horu-socod Tallaabaa lahaa, Hoorri aan biqine Durqun baa amlaydii la helay, haad u soo galaye Waa hogtuu ILeeyana lahaa, Jiibab baad heliye Had iyo jeer xusuustaa qalbigu, ii hinqanayaaye Ku hagoogta taariikhda waa, lagu hal maalaaye!!! Waa heesti ina Mooge iyo, Hoobal caan baxaye Waa Hadraawi gabayguu tirshiyo, hoga-tuskiisiiye Hal-abuurki Gaariyaa ku ladhan, tix iyo Hawraare Waa higgaaddi Maansadi Tarabi iyo, Cali hogtiisiiye Halbawlahay waraabsheen tixii, Qaasin hoobalaye Hal-aqoonkii Maygaag iyo Dixood, heelladaw baxe’e Aqoon-yahanki haajirey Rashiid, waw horrayn jiraye Waa halyeydi raamaha lahayd, libintay hooyeene Lib cas bay hagoogteen xiligu, hog iyo wiilkeede Had iyo jeer xusuustaa qalbigu, ii hinqanayaaye Ku hagoogta taariikhda waa, lagu hal maalaaye!!! etc etc Quote Share this post Link to post Share on other sites
Poker Posted May 20, 2009 "dhinta yaa xogtiisa og" no body knows! Quote Share this post Link to post Share on other sites
