Somaliland oo saddex wariye xukun ku riday

[Deeq A.]

Maxkamadaha Darajada Koowaad iyo Racfaanka gobolka Maroodi Jeex ee Somaliland ayaa maanta xukuno ku riday saddex wariye oo muddo ku xirmaa magaalada Hargeysa.

Maxkamadda Darajada Koowaad ee gobolka Maroodi Jeex ayaa wariye Maxamed Cabdi Sheekh Ilig oo ah Guddoomiyaha Telefishanka MM TV iyo wariye Cabdijabaar Maxamed oo ka tirsan HCTV ku xukuntay hal sano iyo afar bilood oo xariga. Sidoo kale Maxkamadda ayaa sii daysay wariye Cabdiraxmaan Khaliif oo sida ay sheegtay waxba lagu waayay.

Dhanka kale Maxkamadda Racfaanka gobolka Maroodijeex ayaa ku xukuntay wariye Cabdimaalik Sheekh Muuse Coldoon labo sano oo xarig ah iyo lacag ganaax ah oo dhan 3 milyan oo shillin Somaliland.

Wariye Cabdimaalik Muuse Coldoon ayaa xabsiga Hargeysa ku xiran tan iyo bishii Agoosto 2021.

PUNTLAND POST

The post Somaliland oo saddex wariye xukun ku riday appeared first on Puntland Post.