Nin mucaarad ku ah Ismaaciil Cumar Geelle oo lagu qabtay Hargeysa lagana cabsi qabo in…

[Deeq A.]

Hargeysa (Caasimada Online) – Wararka naga soo gaarayo degmada Gebiley ee  maamulka Somaliland ayaa sheegaya in halkaas lagu xiray nin u dhashay dalka Jabuuti.

Ninkaan oo ay xireen ciidamada Booliska ayaa la sheegay inuu caan ku ahaa inuu Baraha Bulshada ku dhaliilo madaxweynaha Dowladda Jabuuti Ismaaciil Cumar Geelle.

Magaca ninka la xiray ayaa lagu sheegay Arreh Souleiman Aouled, waxaana la rumeysan yahay inay sababta tahay dhaliilaha uu u jeediyo madaxweynaha Jabuuti.

Sida aan xogta ku helnay, maamulka Somaliland ayaa qorsheenaya inay ninkaan u gacan geliso booliska dalka Jabuuti si uu halkaas ugu wajaho maxkamad.

Hay’adaha xuquuqul insaanka ee ka jira maamulkaas ayaa maamulka ugu baaqay inuu ka fogaado ku xadgudubka Arreh Souleiman, waxayna hey’adaha ka digeyn in Jabuuti loo gacan geliyo.

Maamulka Somaliland ayaa horey ugu caan baxay inuu cadaadis saaro wariyayaasha iyo Dadka caadiga ah ee dhaliila madaxweyna maamulkaas Muuse Biixi.

Xabsiyada maamulkaas ayaa waxaa ku jiro Seddex wariye oo loo heysto tabinta dhacdadii dhawaan ka dhacday xabsiga weyne ee Hargeysa.

The post Nin mucaarad ku ah Ismaaciil Cumar Geelle oo lagu qabtay Hargeysa lagana cabsi qabo in… appeared first on Caasimada Online.