Saddex Kooxood Dalkan Dan Uma Aha “Waxay jecel yihiin in wasiirka biyuhu adeerkood noqdo laakiin dan kama laha inay biyo ku filan helaan”.

[Deeq A.]

Saddex Kooxood Dalkan Dan Uma Aha “Waxay jecel yihiin in wasiirka biyuhu adeerkood noqdo laakiin dan kama laha inay biyo ku filan helaan”.

 

Saddex kooxood dalkan dan uma aha.

KOOXDA KOOWAAD

Maalinta adeerkood xukunka hayo iyaga oo qudha ayaa ah dal jirayaasha dahsoon mana laha arragti intaa dhaafsiisan

KOOXDA LABAAD

Maalinta adeerkood mucaarad noqdo waa wada mucaarad iyaga oo qudha ayaana isu arka badbaadiyaasha dalku u baahan yahay iyana malaha arragti intaa dhaafsan.

KOOXDA SADDEXAAD

Waa lahaystayaal adeerkood xukunka ma joogo, mana sugayo oo mucaarad xataa kiyuuga ku soo jira ma aha, hadana waxa ay u afduuban yihiin labadan hore midkood.

Saddexdan kooxood waxa jira astaamo badan oo ay wadaagaan

ASTAANTA KOOBAAD

Waxay ku xajiimoodaan qof kasta oo arragti xambaarsan, waa caadifiyiin aan caqliga adeegsan mana laha adkaysi ay doodaha culculus ee caafimaadka qaba ku wajihi karaan.

ASTAANTA LABAAD

Waxa iskaga qaldan dantooda gaarka ah iyo danta guud waxay jecel yihiin in wasiirka biyuhu adeerkood noqdo laakiin dan kama laha in ay biyo ku filan helaan iyo in kale, waxa ay jecel yihiin in wasiirka caafimaadka iyo ka beeruhuba adeeradood noqdaan laakiin dan kama laha adeega caafimaadku in uu hagaago amma dalku gaadho isku filaansho cunto. Indho male, dhego male waxa ay arkaan ee maqlaan waa hadba waxa adeeradood u sheegaan uun.

ASTAANTA SADDEXAAD

Waa hanyaraan, kooxahani waa kuwo ka siman hanyaranta.

Somaliland inta jeceli waa inta saddexdan ka badbaaday.

Somaliland cid u abtirisa uma baahnee cid u talisay u baahan tahay ” Madaxweyne hore Daahir Rayaale Kaahin”

C/rashiid Maxamed Bedel

Qaran News