Deeq A. Posted May 10, 2022 Madaxweynaha Puntland Siciid Cabdullaahi Deni ayaa magaalada Muqdisho kula kulmay Guddoomiyihii hore ee Baarlamaanka Puntland Cabdixakiim Maxamed Axmed Dhooba-daareed. Faahfaahin rasmi ah lagama hayo kulanka, hase ahaatee Madaxweyne Deni ayaa qoraal kooban oo uu ku daabacay bartiisa gaarka ah ee Facebook ku sheegay inuu booqasho ugu yimid Dhooba-daareed, ayna ka wadahadleen xaaladda guud ee dalka. “Waxaa caawa booqasho noogu yimi Guddoomiyihii hore ee Golaha Wakiillada Dowladda Puntland Cabdixakiim Maxamed Axmed Dhooba-daareed, waxaan iska wareysanay guud ahaan xaaladda dalka. waxaan uga mahadcelinaya kulanka iyo wakhtiga aan wada qaadanay” ayuu yiri Madaxweyne Deni. Dhooba-daareed ayaa tan iyo markii laga qaaday xilka Guddoomiyaha Baarlamaanka Puntlnd wuxuu aad u dhaliili jiray Madaxweyne Deni iyo siyaasiyiinta ka agdhow oo uu ku eedeyn jiray in ay ka dambeeyeen xilka qaadistiisa. 7-dii November 2019 ayaa Cabdikariim Dhooba-daareed laga qaaday xilka Guddoomiyaha Baarlamaanka Puntland, sidoo kale xasaannadii xildhibaanimo ayaa laga xayuubiyay 10-kii December 2019. PUNTLAND POST The post Deni iyo Dhooba-daareed oo kulmay appeared first on Puntland Post. Share this post Link to post Share on other sites
