Dawlada Ruushka oo beenisay Xoggo Milateri oo laga faafiyey

[Deeq A.]

Dawlada Ruushka oo beenisay Xoggo Milateri oo laga faafiyey

Wasiirka arrimaha dibadda ee Ruushka ayaa beeniyay in ciidamada dalkiisa ay ku degdegayaan howlgallada ay ka wadaan Ukraine oo ay doonayaan inay ku soo gabagabeeyaan bisha sagaalka May – oo ah maalinta Ruushka uu xusayo jabkii uu kala kulmay Nazigii Jarmalka.

Wareysi uu siiyay telefiishanka Talyaaniga, Sergey Lavrov waxa uu sheegay in xawliga howlgalka uu ku saleysan yahay baahida loo qabo in la yareeyo khatarta ay wajahayaan dadka rayidka ah iyo askarta Ruushka.

Milateriga Ukraine ayaa lagu soo waramayaa inay soo jeediyeen in Ruushka uu diyaar u yahay inuu dhawaan weeraro Moldova.

Sida laga soo xigtay ilo sirdoon oo reer Ukraine ah oo uu soo xigtay wargeyska Times ee London, duulaanka Moldova ayaa la sheegay inuu Ruushka ka caawin doona inay u hanjabaad u noqota Odesa, oo ah magaalada saddexaad ee ugu weyn Ukraine.

Wargeyska ayaa sheegay in Odesa ay noqon doonto bartilmaameed sahlan haddii Moscow ay marka hore gacanta ku dhigto Moldova. Ciidanka Moldova waa dhawr kun oo askari oo keliya.

Qaran News