Xildhibaanada Garbaareey oo si farsameysan ku galay xarunta baarlaamanka iyo buuq ka…

[Deeq A.]

Muqdisho (Caasimada Online)– Kullankii baarlamaanka maanta ee ajandahiisa ahaa xil wareejinta ayaa waxaa ka qeyb galay xildhibaanada laga soo doortay Ceel Waaq iyo Garbahaareey, iyadoo kuwa Garbahaareey ay si farsameysan ku galeen xarunta baarlamaanka.

Kahor furitaanka kulanka baarlamaanka ayaa buuq ka dhashay kasoo qeybgalka xildhibaanada Garbahaareey oo lagu soo daabulay gaadiid gaar ah, lana dhigay agagaarka Villa Ugandha halkaasoo ay kasoo galeen Villa Hargeysa, waxaana buuq dheer kadib guddoonka baarlamaanka uu sheegay in kulanka uu yahay mid xil wareejin ah kaliya wax ajande kale ah oo uusan jirin.

Sida wararku sheegayaan in xildhibaanada Garbahaareey gudaha u galaan xarunta baarlamaanka waxaa u fududeeyay saraakiil ka tirsan NISA iyo xildhibaan Kulane Jiis oo weli saameyn ballaaran ku leh NISA.

Xildhibaanada Ceel Waaq oo horay ugu sugnaa xarunta baarlamaanka iyadoo la siiyay kaararka aqoonsiga, sidoo kale xildhibaanada Garbahaareey laga soo doortay ayaa loo sameeyay kaararka aqoonsiga.

Xubnihii kale ee laga soo doortay Ceel Waaq ayaa sharci daro ku tilmaamay kasoo qeybgalka xildhibaanada Garbahaareey, isla markaana kaararka loo sameeyay ay ku tilmaameen kuwo been abuur ah oo sharci aheyn.

The post Xildhibaanada Garbaareey oo si farsameysan ku galay xarunta baarlaamanka iyo buuq ka… appeared first on Caasimada Online.