Jacaylbaro Posted September 21, 2005 It was last night when i was invited by a friend of mine to attend this new poet by Gaariye. Goobtu waxay ahayd Maansoor Hotel waxaana isugu yimid dad aan ka yarayn ilaa 100 qof si ay u dhegeystaan gabayga cusub ee abwaan gaariye. Abwaanku gabaygii ugu dambeeyay ee uu tiriyo waxa uu ahaa kii uu tiriyay 1997 ee la magac baxay DABOTAXAN ,,,, Gabaygan cusub ee xalay waxa uu la magac baxay GURMAD waxaanuu kaga hadlayaa arrimo badan. wuxuu yidhi: Duq baa geel loo tubaa GAw ban ka aqaan durbaan Waxaan goor hore kaco e Gankaad tahay erey la da' ah Garfkana bashar baad u tahee Hadaad garowdo khalad Gob bay tahay caadadeed Waxaan godobtiisu hadhin Gar aad leedahoo uu ogyahay Nin kaaga masuugay gole Waxaa gabay lagu saxdaa Candhuuftu gashaa dalqada Markuu milil guud ka dhayo Golxoo dhami maaha dane Mar bay ged kaleeto tahay Dibnahoo ku gariira iyo Gangada waxaa keenta been Waxay tixdu ka gashaa Damiirkkuna uu gam’aa Haddii hal ku seegay geed Waxaad gocataa hurdada Intaa guntayoo dhigeee Hadduu geeraar wax taro Maxan gelin dhexe onkoday Maxaan goohay oon talamay Ado gabalkaagu dumay maxaan gudcur bajiyoo u daaray cadceed gayiga maxaan galab oogay shamac maxaan guuraha meershiyo waxaan subax loogay gool hadday gees kaa mareen maxaad farta iigu godi dhegtaadaa soorgad lehe miyaan giririf yaraa shabeelkaa gurboodku dhalay ku idhi waxaa gooyay aar sowkii Alle gowrac yidhi mayee waxa laysay garo Hadaan guga kuu kordhaa Gabow mooyee ku tarin Garaad iyio waayo arag Ileen wax ma dhaantid ged Haddana gurmad baan dartiin U soo galay maansadoo Ma doonayn inaan gabyee Xil baa igu yidhi I gudo Nimaan garanayn u olol Ku soo noqo goobta iyo Garoonka ciyaartu taal Xilligu waa goor wax saar Gole lagu dheelayoo Garsoore ka yahay shacbigu Waxaa guul sheegan kara Qof ay u garteen iyagu Hadaad tahay guur u meer Qaraabo adoon gud-gudin Adoon umadda isku gubin Dadweynahoo soo gig yidhi Waxaad ka gadayso mari Abaalkana waan gudnaa Waxaad noo gashee horiyo Gadaal waxaad maagan tahay Adoon galin ceeb nin kele Bal noo sheeg waa golee Waxay dadku kaa gutaan Kol ay tahay gaafanow Hadaad waydo gallad kele S tii gudahaan ahoo R’i baan beri gees ka riday Intaa guntayoo dhigee Nimaad kala gees tihiin Inuu libintiisa gado Ninkii yidhi guul ka dhigo Alaylehe wuu lug go’ay Ninkii yidhi gaal diloo Gartiisana sii ma maqal Xaqsoor nin ku gaadhi kara Rag uu ka dhexeeyo geel Haduu kala geeyo damac Waxa isu geysa dane Allow garansii nin moog Galool mudhay oo farcamay Lugaha goonyaha u fiday Haduu midba gaar u baxay Guntay ka midaysan yihiin Hadad gorod diidan tahay Ku koob dirirtaada gorodoo Ha nicin gobolkuu ka yimid Goshii firxadkee ha jarin Ha goyn waxa laysku yahay Gmagliga gacan loola baxay Gudaha uma dhaadhacdee Ha gaadhin laf baan ku idhi Afkaagana godob ka dhowr LA SOCO ,,,,,,,,,,, Quote Share this post Link to post Share on other sites
