Ganacsadihii Warkiisi hadal lagama keenin halka Gabadhii caawa jeelka loo taxaabay

[Deeq A.]

Ganacsadihii Warkiisi hadal lagama keenin  halka Gabadhii caawa jeelka loo taxaabay

Ma taqaan, Sharciga Wadhatada Ganaaxa?

Mulkiilaha World-remit wuxuu sheegay Deeq agab ah oo uu dadka ugu deeqay in Askartu dadka dib uga iibisay oo ka guratay laaluush $40 ah. Markalena wuxuu sheegay in xiligii Covid-19, Face-mask uu keenay dadka dib looga iibiyey.

Gabadhan yarina iyana waxay sheegtay in Askartu dib uga iibisay Dalaayadihii Cadceeda ee loogu deeqay wadhatada Suuqii Waaheen ee haatan Dooxa Hargeisa wadhan! oo halkii xabo $10 Askartu ku iibinayso.
Gabadhu waxay warkeeda ku dartay (Waa inoo Doorashada) oo ka dhigan codkayga ayaan ku ciilbixi doonaa!

Ganacsadihii warkiisi hadal lagama keenin, halka Gabadhii caawa jeelka loo taxaabay.

Labada qofba run bay sheegeen laakiin waxay ku kala duwan yihiin midna weedhiisa ayaa itaal daran oo waa sabool, midna waa ganacsade oo xataa haduu khaldamo khaladkiisa cudur-daar baa loo hayaa!

Dadka qaar ayaa qaba in gabadha halka laga raacay ay tahay kalmada ah (Idiin caban maynee waa inoo doorashada). Soo hadalqaadka doorashada ayaa ah wax Madaxweyne Biixi xiligan dhegaha looga ilaaliyo oo aanu jeclayn cid soo hadalqaada.

Qaran News