BOB Posted June 30, 2005 Addunyadu waa imtixaan aan dhammaan Aqal aan tiir laheyn iyo mid aan dhismeyn Albaabaan furmeyn oon muftaax laheyn Amakaag iyo leh murugo aan dhammaad laheyn Argagixiso joogto iyo leh xarbi aan kala goeyn Arrimo isku wada xiran oo laheyn xal Akhbaar culus iyo leh dhambaal murugo miiran Awwood loo sheegan karin oo kaa amar weyn Ammaan laheyn oo leh caddaalad qalafsan Anshax kuwo aan laheyn iyo leh kuwo afkaar adag Aayatiin malaha oo ileyn ku waari meysid Allah xisaabtiisa iyo iilbaa kulligeen na wada sugi Aakhiradaada ha illaawin adduun gaarimeyside Adduun waa halka anbiyada Allah (s.w) lagu amar diido Allah (s.w) uunkiisa ku ilaawaan oo ay ugu caasiyaan Akhlaakhda looga tagoo ragga ay isku guursadaan Allahayoow maxaa iisoo arkay dumar aan xishood laheyn? Adduun ammaan maleh dumarkiibaa akhlaaqdii uga luntaye Aqalkoodaa lagasoo saaray oo jirkooday iibinayaan Adduunkan aan joogno waa meel dumarku is marwestaan Allahayoow maxaa iisoo arkay canug aan aabe leheen? Arrin laga xishoodo meysan aheyn aabe ubadkiisa diida? Aabe iyo Hooyo loogu caasiyoo lagu hadal celiyo Agoonta lagu dhacoo xaqqooda lagu boobo Ammaanada lagu xafidinoo ribada lagu faano Aadaanka lagu dhibsadoo Allahu Akbarta lagu inkiro Ammaan maleh aduun ee aakhiradaada ha ilaawin Allah ku xirnoow iyo rasuulkiisa muxammad (s.c.w) Ayaamahan yaroo naftu amaanada kugu tahay Adigoo cibaadadaada ku dadaala yaa Wallah kuu dhaanta adduun. Peace,Love & Unity. Quote Share this post Link to post Share on other sites
