Afur Sharafeed Iyo Soo Dhawayn Loo Sameeyay Waftigii DDS Ee Gurmadka ku yimi Hargeisa

[Deeq A.]

Afur Sharafeed Iyo Soo Dhawayn Loo Sameeyay Waftigii DDS Ee Gurmadka Hiil-Walaal.

Waxaa caawa hotelka jigjiga international ka qabsoontay munaasabad afur sharafeed ay soo agaasimeen dhalinyaro iskood isu abaabulay, kuwaas oo ku maamuusay waftigii hogaanka nabadgaliyada DDS Mudane Mubashir Dubad Rage, ee ka qayb galay gurmadka Hiil-Walaal.

Waftiga hogaanka oo ka koobnaa ciidanka dab-damiska deegaanka, maamulka magaalada Tog-wajaale, Komishinka Booliska DDS iyo masuuliyiin kale ayaa door wayn ka qaatay gurmadkii Hiil-Walaal ee lagu daminayay dabkii ka kacay suuqa Waaheen ee caasimada Somaliland ee hargaysa.

Hogaanka nabadgaliyada DDS Mudane Mubashir Dubad Rage, ayaa shergay in shacabka iyo xukuumada DDS ay sii wadi doonaan garab istaaga walaalaha Somaliland ee masiibadu ku habsatay.

Qaran News