Maxay ka wada hadleen Ra’iisul Wasaare Rooble iyo Safiirka Ingiriiska?

[Deeq A.]

Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa qaabilay Safiirka Dowladda Ingiriiska ee Soomaaliya Kate Foster oo ay ka wada hadleen arrimaha doorashooyinka dalka, weerardii ugu dambeeyay ee Muqdisho iyo Beledweyn iyo xaaladaha bani’aadminimo iyo gurmadka abaaraha dalka ka jira.

Safiir Kate Foster ayaa Ra’iisul Wasaaraha Soomaaliya uga tacsiyeysay dadkii waxyeelladu ka soo gaartay weerraradii ka dhacay Muqdisho iyo Beledweyn, iyadoo sheegtay in Britain ay ku garab taagan tahay xukuumadda iyo shacabka Soomaaliyeed dadaalkooda xaqiijinta nabadda dalkooda.

Ra’iisul Wasaare Maxamed Xuseen Rooble ayaa xaqiijiyay in ay ka go’an tahay in qeybaha ka harsan doorashooyinka dalka oo gebogebo maraya ay ku soo dhammaadaan si nabad ah.

PUNTLAND POST

The post Maxay ka wada hadleen Ra’iisul Wasaare Rooble iyo Safiirka Ingiriiska? appeared first on Puntland Post.