Deni oo wariye Timire xil u magacaabay

[Deeq A.]

Madaxweynaha Puntland Siciid Cabdullaahi Deni ayaa wariye Maxamed Cabdiweli Nuur (Timire) u magacaabay Agaasimaha Wacyi-gelinta Ciidamada iyo la-dagaalanka Argagixisada, ee Wasaaradda Amniga iyo DDR-ta.

Wariye Timire oo ka tirsanaa warbaahinta ku hadasha afka dowladda ayaa muddooyinka dambe soo saari jiray barnaamijka Afmeer oo lagu wareysto dadka ku eedeysan Al-shabaab.

Hoos ka akhriso wareegtada

Garoowe, 21, March, 2022: Madaxweynaha Dowladda Puntland Mudane Siciid Cabdullaahi Deni ayaa Xeer Madaxweyne Lr. 11, ku magacaabay Agaasimaha Wacyi-gelinta Ciidamada iyo la-dagaalanka Argagixisada, ee Wasaaradda Amniga iyo DDr-ta Dowladda Puntland..

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80-aad.

Markuu arkay:Aqoontiisa, kartidiisa iyo waayo-aragnimadiisa shaqo.

Wuxuu xeeriyey:

1.Waxaa Maxamed Cabdiweli Nuur (Timire) loo magacaabay Agaasimaha Wacyi-gelinta Ciidamada iyo la-dagaalanka Argagixisada, ee Wasaaradda Amniga iyo DDr-ta Dowladda Puntland.

2.Xeerkani wuxuu dhaqan gelayaa markuu Madaxweynuhu saxiixo, wuuna saxiixay Madaxweynuhu.

DHAMMAAD

---

PUNTLAND POST

The post Deni oo wariye Timire xil u magacaabay appeared first on Puntland Post.