Uk:Ra’iisal-wasaare hore oo noqday Darawal kaxeeya Gaadiidka xamuulka+Sababta

[Deeq A.]

Uk:Ra’iisal-wasaare hore oo noqday Darawal kaxeeya Gaadiidka xamuulka+Sababta

 

Raisul Wasaarihii hore ee UK David Cameron ayaa noqday darawal kaxeeya gawaadhida Xamuulka ee gala safarada dhaadheer.

Cameron ayaa ka soo muuqday warbaahinta xilli uu safar u ahaa dalka Poland si halkaas uu u geeyo shixnad gargaar ah oo loogu talo galay Qaxootiga reer Ukraine.

Ra’iisul Wasaarihii hore ayaa safarkiisa ku shaaciyay bartiisa Twitter-ka. Mr. Cameron waxa uu muddo laba sano ah si mutadawacnimo ah ugu shaqaynayey mashruuca cunnada ee Chippy Larder

“Hadda waxaan ku socdaa Poland aniga iyo laba saaxiibo ah si aan u gaadhsiino gargaar waxyaabo badan ka kooban Waxay noqon doontaa wado dheer” ayuu intaa ku daray.

Horaantii todobaadkan, waxa uu ku baaqay in gargaar bini’aadantinimo oo dheeraad ah la siiyo Ukraine.

Isagoo la hadlayay telefishinka Channel 4 News, waxa uu ugu baaqay Xukuumadda inay dib u soo celiso in 0.7% dakhliga guud ee qaranka loo qoondeeyo gargaarka dibadda, ka dib markii la dhimay 0.5 boqolkiiba sannadkii hore.

Mr Cameron waxa uu ku taliyey in golaha Wasiiradu ay yeeshaan Wasiirka gargaarka, kaasoo 100% u heellan doorkan.

The generosity of the community in West Oxfordshire – and of the British people more generally – has been typically phenomenal, stepping up to help our neighbours in their hour of need.

— David Cameron (@David_Cameron) March 18, 2022

 

 

Qaran News