Xildhibaan ka tirsan golaha wakiillada Somaliland oo ka hadlay weerar ay caawa dablay hubaysani ku dhaawacday Xildhibaan Golaha Deegaanka Laascaanood.

[Deeq A.]

Xildhibaan Qaasim Suleebaan oo ka tirsan golaha wakiillada Somaliland ayaa ka hadlay weerar ay dablay hubaysani ku dhaawacday xildhibaan Sakariye Garabyar, oo ka tirsan Golaha Deegaanka Laascaanood.

Qaraal uu soo saaray Xildhibaan Qaasim oo uu dhacdadan ku cambaareeyay ayaa waxa uu ku yidhi sida tan:

“CAAWA & HALDOOR KALE:

Dhaawaca loogu Gaystay Laascaanood Caawa Mudane Zakariye Garabyar, oo ka tirsan Golaha Deegaanka Laascaanood Waan Cambaaraynaynaa; Illahayna Waxaan uga Baryaynaa inuu u Boogo Dhayo.

Dhalinyaradda Golaha Deegaanku Waxay Gacanta ku hayaan ama Qabteen wax aan 30 kii Sano ee la soo Dhaafay Laascaanood loo Qaban; Maanta waxay innaga Mudnaayeen Ilaalin, Xurmayn & Qiimayn.

Xukuumada ayay Saaran tahay Masuuliyadda Amni ee Muwaadiniinta & Masuuliyiinta Gobolka, Suurtogalna Noqon mayso in Maalin Walba Nin Haldoor ah intii lagu Dilo aan Cidi is-waydiin. Jawaab Degdeg ah ayaan ka sugaynaa Xukuumadda oo ay ku soo Qabanayso Dadka Falalka Dilalka Ka Geysanaya Magaaladda.

Waa Hubaal in Talaabooyin Amni oo aad hore u Qaadeen Dhamaantood Fashil ku Dambeeyaan. Illahow Zakariye u Boogo-Dhay.”

Source