Doorashadii ugu adkayd Golaha Shacabka oo ka dhacday Gaalkacyo

[Deeq A.]

Qaali Shire

Qaali Cali Shire ayaa ku soo baxday kursiga Hop#060, ka dib doorasho adag oo tartan furan ahayd oo caawa ka dhacday koonfurta magaalada Gaalkacyo.

Qaali ayaa wareegii labaad ee doorashada ku adkaatay 61 cod, halka Ubax Tahliil Warsame oo sanadihii la soo dhaafay ku fadhiday kursiga ay heshay 40 cod.

Kursiga waxaa ku tartamay afar haween ah oo labo ka mid ah ay ku hareen wareega kowaad. Ubax Tahliil ayaa wareegii kowaad ku hogaaminaysay doorashada 44 cod, halka Qaali Cali Shire heshay 32 cod, sidaasna ay ku aadeen wareega labaad oo ugu dambeyn ay ku adkaatay Qaali.

Ubax Tahliil

Ubax Tahliil ayaa ka mid ahayd xildhibaannada taageersan Madaxweyne Farmaajo, waxayna si weyn uga soo horjeeday Ra’iisul Wasaare Rooble oo ay isku deegaan yihiin.

Deegaan doorashada labaad Galmudug ee Gaalkacyo oo ay taallo 11 kursi ayaa ilaa hadda la doortay 5 kursi.

PUNTLAND POST

The post Doorashadii ugu adkayd Golaha Shacabka oo ka dhacday Gaalkacyo appeared first on Puntland Post.