Ruushka oo xabad joojin kaga dhawaaqay Magaalooyin ku yaalla Ukraine+Sababta

[Deeq A.]

Ruushka oo xabad joojin kaga dhawaaqay Magaalooyin ku yaalla Ukraine

Dagaal ayaa ka socday magaalada ku taalla koonfur bari ,Volnovakha

Wasaaradda gaashaandhigga ee Ruusha ayaa labo magaalo oo ku yaalla Ukraine uga dhawaaqday xabad joojin ku meel gaar ah iyo inay fureyso marinada gargaarka lagu gaarsiinayo shacabka laga bilaabo 10:00 subaxnimo wakhtiga Moscow.

Mariupol waa magaalo deked leh, maalmihii lasoo dhaafay waxaa ku hareereysnaa ciidamada Ruushka, sidoo kale waxay dagaallo ka dhaceen magaalada Volnovakha.

Mar sii horreysay duqa magaalada Mariupol wuxuu codsaday in shacabka loo ogolaado in halkaa ay isaga baxaan kadib waxa uu ku tilmaamay go’doominta ciidamada Ruushka ee magaalada.

Dhinaca kale, qaraxyo dhowr ah ayaa laga maqlay magaalada Kharkiv.

Muuqaal: Diyaaradaha Ruushka oo duqeeyay magaalo ku taalla Ukraine

BBC-da waxay xaqiijisay muuqaal ku saabsan diyaaradaha dagaalka ee Ruushka oo duqeynayay magaalada dekedda leh ee Mariupol halkaas maalmihii lasoo dhaafay ay ku hareereysanaayeen ciidamada Ruushka.

Magaaladan ku taalla koonfurta Ukraine waxaa ku nool in ka badan 400,000, waxay ku taalla xadka Ruushka, waana marin muhiim ah oo la doonaya inay isaga tallaabaan kooxaha fallaagada ah ee ka dagaallama gobollada Luhanska iyo Donetsk.

Waxaana la jaray adeegyadii korontada iyo biyaha magaaladan xilli duqeymo joogto ay ka socdaan halkaas.

Russian troops in Bucha, #Kyiv today pic.twitter.com/xUMAi51qoi

— marqs (@MarQs__) March 4, 2022

Qaran News