Nuxurka Kulan Saaka Dhexmaray Biixi Iyo Cirro Maxay Ka Wada-Hadleen??

[Deeq A.]

(SLT-Hargeysa)-Madaxweynaha Somaliland Muuse Biixi & Murashax Xisbiga ugu weyn mucaaridka ee WADDANI Cabdiraxmaan Cirro, ayaa maanta markale ku kulmay Hargeysa. Labada Masuul ayaa ka wada hadlay arrimaha doorashooyinka & hanaankii loo dardar gelin lahaa. Waxaa laysku afgartay in hore loo wado tallaabooyinka loogu dhowaanayo dimuqraadiyada iyo doorashooyinka.

Dhanka kale Madaxweyne Biixi oo dhowaan safar u ah Maraykanka ayaa Dr Cirro, kala sheekaystay arrimaha dibloomaasiyada & hanaanka uu ugu caawan lahaa in Somaliland libin ka keento fagaarayaasha dunidda.

Dr Cirro, oo haysta khibrad dublomaasiyadeed in ka badan 30 sanno ayaa Madaxweyne Muuse u dardaarmay in uu caalamka la hortago weji furan iyo siyaasad ilbaxnimo ku dhisan.

Waa kulankii labaad ee muddo laba isbuuc gudahood ah Madaxweyne Biixi la yeesho Murashax Cirro.

Source