Xukuumadda Madaxweyne Biixi Oo Sas Ka Qaaday Barnaamijka Tabliiqa Siyaasiga Oo Ay Gobolka Sanaag Ka Bilaabeen Siyaasi Cukuse Iyo Abgaal

[Deeq A.]

(SLT-Hargeysa) Wasiirkii hore ee Wasaaradda Boosaha iyo isgaadhsiinta Maxamed Jaamac Abgaal iyo Wasiirkii hore ee wasaaradda war-faafinta Cabdilaahi Maxamed Daahir Cukuse, ayaa maal-mihii ugu dambeeyey socdaal ku marayey deegaanada Gobolka Sanaag,kuwaas oo bulshada deegaamadii ay mareen layeeshay kullamo kale duwan, isla markaana ka hadlay xaaladda gobolka Sanaag iyo baahiya aasaasiga ah ee ay tebayaan bulshada ku dhaqan Gobolkaas sida waddooyinka ,iskuuladda Wax-barashada iyo Goobaha Caafimaadka .

Labadan masuul ayaa hore uga tirsanaan jirin Xisbiga KULMIYE,hase-yeeshaa dhawaan ayaa ay uga diga rogteen dhanka Xisbiga WADDANI,wallow ay socdaalkooda ku sheegaan mid xog-ogaal u noqosho ah,haddana waxa lala xidhiidhinayaan inuu ku tacaluqo olollo siyaasadeed iyo dejinta qorshayaasha siyaasadeed ee Xisbiga WADDANI,balse iyaga ayaa ku sheegay ujeedada socdaalkooda Sanaag inuu yahay mid xaaladda gobolka ay ugu kuur gelayaan “waxa aanu idiinku soconaa laba qoddob barriidadu waa sed in aanu idin soo bookhanaa waa sed in aanu duruufta idinla qaybsanaa waa sed in aad walaalkaa oo jilicsan soo eegtaa waa sed in aad tallo ku biirisaa waa sed in daruuftaa la isla qaybsadaa waa waxa aynu walaalo ku nahay, Gobolka Sanaag waxa uu ka arradan yahay dhammaan-ba addeeg-yadda aasaasiga ah, ha u sii darnaado Barriga Sanaag’e “Cabdilaahi Cukuse

Haddaba Ex Wasiir Abgaal iyo Cabdilaahi Cukuse ayuu u muuqdaa socdaalkooda Gobolka Sanaag inuu yahay mid tabliiq siyaasadeed ah,balse haddana waxay food saare ka dhigtaan inay soo bandhigaan baahiyaha kale duwan ee ay qabaan bulshada deegaanadda ay mareen,kuwaas oo cabasho ka muujiyey Xukuumadda Madaxweyne Biixi,isla markaana sheegay in la ilaabay bulshadaas oo aan wax-ba loo qaban “Dawlada waanu ugu yeedhaynaa inay dugsiyo sare idiin samayso ,haddii ay Dawladdani wax ka qaban weyday annaga ayaa idiin ballan qaadayna in aanu samayno..” ayuu yidhi Cukuse

Siyaasi Abgaal oo kullan laggu qabtay Ceerigaabo haddal ka jeediyey ayaa ugu baaqay bulshada Gobolka Sanaag in loo diyaar garoobo doorashada Madaxtooyadda bisha November 2022 “waxa inoo qoran oo dastuuriyan ah in 13 November 2022-ka doorashadii Madaxweynaha in la gallo ama KUMIYE ahaada ma UCID ahaada ama WADDANI ahaada si qalbi wanaagsan ha loogu diyaar garoobo doorashadaas ,waxa kale ee lagga sheekaynaa ee ururro ayaa la furayaa waa maaweelo kale iyo is jiidasho kale oo sharciyadoodii aan la dhammaystirin “ayuu yidhi abgaal

Dhanka kalene waxa la sheegay in Xukuumadda Madxaweyne Biixi ay sas ka qaaday dhaq-dhaqaaqyadda labadan siyaasi ee Cukuse iyo Abgaal ay ka waddaan Gobolka Sanaag,balse haddana maddaama oo uu yahay Gobolka Sanaag mid xasaasi ah waxay ku dhiiran weyday inay is hortaagto Barmaamijkooda tabliiqa siyaasaddeed,wallow la sheegay in Xukuumadda KULMIYE ay si dhaw ula socotay,isla markaana ay raadkooda guraysay.

Geesta kalena waxa la sheegay in marka ay ka soo noqdaan Gobolka Sanaag in Barmaamijkooda tabliiqa siyaasadda ay Siyaasi Maxamed Jaamac Abgaal Iyo Cabdilaahi Cukuse ay ugu socdaali doonnaan Gobollada Galbeedka dalka gaar ahaan Awdal Iyo Selal, hase-yeeshaa lama ogga in Xukuumaddu ay ka horjoosan doonto inay tagaan halkaasi oo ay ku qabtaan kullamo lamid ah kuwa ay layeesheen bulshada Gobolka Sanaag iyo in kale.

Source