Maxaa ka soo kordhay dagaalkii Saax-maygaag?

[Deeq A.]

Xaaladda degaanka Saax-maygaag oo shalay laba malayshiya beelood ku dagaallantay ayaa saaka deggan.

Dagaalkii shalay ayaa dhaliyay khasaare xooggan oo labada dhinac gaaray waxaana la xaqiijiyay in dad gaaraya 20 ruux ku dhinteen dagaalkaas halka in ka badan 40 kalena ku dhaawacmeen.

Labada dhinac ayaa weli is hor-fadhiya inkastoo saaka ay socoto waan-waan la doonayo in lagu dhex galo dhinacyada dagaallamay.

Odayaasha dhaqanka Sool iyo Nugaal ayaa lagu wadaa in ay maanta gaaraan dhulka lagu dagaallamay si loo kala dhex galo labada dhinac.

Islaan Ciise Islaan Maxamed iyo Garaad Jaamac Garaad Cali ayaa kamid ah Isimada ku hawllan waan-waanta socota.

PUNTLAND POST

The post Maxaa ka soo kordhay dagaalkii Saax-maygaag? appeared first on Puntland Post.