Raysal Wasaarihii Dalka Suudaan Oo Is-casilay, Maxay Tahay Sabata?

[Deeq A.]

(SLT-Khartoum)-Raysal wasaarihii rayidka ee Suudaan Abdallah Hamdok ayaa fiidnimadii Axadda ku dhawaaqay inuu is casilayo, in ka badan laba bilood ka dib markii dib loo soo celiyay taasoo qayb ka ah heshiis siyaasadeed oo uu la galay millatariga.

Khudbad uu ka jeediyay taleefishinka, ayuu sheegay in loo baahan yahay in laga doodo miiska wadahadalka si heshiis cusub loo gaadho siyaasadda Suudaan ee u gudubka dimuqraadiyadda.

“Waxaan isku dayay intii karaankeyga ah inaan ka joojiyo dalka inuu ku sii socdo masiibada,” ayuu yidhi.

“Marka la eego kala qaybsanaanta xoogagga siyaasadeed iyo iskahorimaadyada u dhexeeya (ciidanka iyo rayidka) qaybaha kala-guurka in kasta oo wax walba oo la sameeyay si heshiis loo gaadho ma dhicin,” ayuu yidhi.

Suudaan “waxa ay dhaaftay meel halis ah oo khatar gelinaysa badbaadadeeda,” ayuu raaciyay.

Ku dhawaaqista ayaa mustaqbalka siyaasadeed ee Suudaan ku sii rideysa xaalad hubaal la’aan ah, saddex sanno ka dib kacdoonkii sababay in xukunka laga tuuro hoggaamiyihii muddada dheer Cumar Al-Bashiir.

Sida ay taariikhdu u xukumi doonto Hamdok aad bay u goor hore tahay in la sheego. Dadka qaar ayaa u arka nin gacan saar la leh oo u gacan galay ciidamada oo waji shacab u dhiibay, qaar kalena waxay leeyihiin waa nin daacad ah oo isku dayay inuu sameeyo wax sax ah, balse ku dhamaaday xaalad ka baxsan awoodiisa.

Dhaqaale yahan horena u ahaa sarkaal ka tirsan Qaramada Midoobay, Hamdok waxa uu noqday ra’iisul wasaare iyada oo la raacayo heshiis awood qaybsi ah oo dhexmaray millatariga iyo rayidka kadib afgambigii Bashiir.

Millatari ayaa xilka laga xayuubiyay oo xabsi guri laga dhigay inqilaabkii 25-kii October, waxaana dib loo soo celiyay bishii November.

Source