Guddiga Dabagalka Hantida ee Golaha wakiillada S/land oo soo bandhigay Qandaraasyo Musuq-maasuq oo lagu lunsaday Lacag badan oo ka dhacay Oodweyne

[Deeq A.]

Guddiga Dabagalka Hantida ee Golaha wakiillada S/land oo soo bandhigay Qandaraasyo Musuq-maasuq oo lagu lunsaday Lacag badan oo ka dhacay Oodweyne

 

Guddiga dabagalka hantida ee Golaha wakiillada Somaliland oo ayaa musuq-maasuq ku helay hay’ado ka mid ah dawladda.

Warbixin guddigu maanta ka hor jeediyey golaha wakiillada ayay ku sheegeen sidan;

“Guddigu waxa ay soo aragtay in garoonka degmada OODWEYNE Shirkad qandaraas lagu siiyey in ay dhisto sannadkii 2018-2019, kadibna ay dhistay dayrka garoonka muddo kooban kabacdina ay dabayli dumisay dayrkii garoonka dhamaantiiba, waxaana mar labaad shirkad Libaax Construction la yidhaa lagu siiyey qandaraas in ay dhisto garoonka oo hadda maraya wajigii 1’aad.

Gudidga waxa ay soo ogaatay in riiggii laga qodayay OODWEYNE oo lacagtiisu ay dhamayd $500,000 si toos ahna khasnadda madaxtooyada laga bixiyey, in gabi ahaanba aan waxba laga fulin, habeen madowna uu guuray Riiggii sida uu guddiga u sheegay maamulka gobolku”.

Mustafe Khayreeye Guddoomiyaha guddiga dabagalka iyo ilaalinta hantida qaranka.

 

 

Qaran News