Galmudug oo ganaax culus dul dhigtay lix ka mid ah xildhibaanada maamulka

[Deeq A.]

Dhuusamareeb (Caasimada Online) – Gudoomiyaha Barlamaanka Galmudug Dr. Maxamed Nuur Gacal  Warqad uu u diray Wasaaradda Maaliyadda Galmudug kuu sheegay in xildhibaanada baarlamaanka Galmudug qaarkood Mushaarka laga jarto.

Warqaddaan ayaa lagu sheegay in 6 Xildhibaan laga joojiyey gunadda 2 bil iyo ka qeybgalka 4 Fadhi.

Xildhibaanadaan ayaa la sheegay in ay diideen in ay noqdaan kuwa taageersan Madaxweyne Qoorqoor oo aan waxba ka sheegin dhaliilaha maamulka Galmudug.

Xildhibaanadaan ayaa lagu eedeeyey inay carqalad ku noqdeen kulamada Baarlamaanka , waxaana sidoo kale lagu eedeeyey been abuur.

Xildhibaanada ayaa lagu amray inay raali gelin qoraal ah iyo mid Oraah ah ay ka bixiyaan waxyaabiha lagu eedeeyey.

Magacyada lixda Xildhibaan ayaa kala ah:

1 – Xildhibaan Cabdullaahi Xirsi Maxamed
2 – Xildhibaan Axmed Cabdirisaaq Cabdullaahi
3 – Xildhibaan Cabdinaasir Aadan Cusmaan
4  – Xildhibaan Cabdulqaadir Cabdullaahi Bariise
5 – Xildhibaan Mursal Maxamed Yuusuf
6 – Xildhibaan Daahir Cabdi Shiiqow

The post Galmudug oo ganaax culus dul dhigtay lix ka mid ah xildhibaanada maamulka appeared first on Caasimada Online.