Magacyada iyo beelaha 3 xildhibaan oo xasaanadda uu ka qaaday Lafta-gareen

[Deeq A.]

Baydhabo (Caasimada Online) – Xildhibaanada baarlamaanka dowlad Goboleedka Koonfur Galbeed ayaa cod gacan taag ah xasaanadda uga qaadey saddex Xubnood oo ka tirsan Baarlamanka Koonfur Galbeed.

Saddexda xildhibaan ayaa waxaa dacwad ka keenay Xafiiska Xeer ilaalinta Dowlad Goboleedka Koonfur Galbeed, kadib markii uu sidaas ku amray madaxweynaha maamulkaas Cabdicasiis Lafta-gareen.

Seddexda Xildhibaan ee xasaanadda lagala noqday ayaa kala ah:

1- Xildhibaan Xasan Maxamed Guudow oo kasoo jeeda Beesha Garwaale.
2- Xildhibaan Ismaaciil Axmed Cabdullaahi oo kasoo heeda Beesha Eemid.
3- Xildhibaan Eng. Ibraahim Macallin Cali oo kasoo beesha Leysaan.

Eedeynta Xildhiibanada ayaa waxaa Baarlamaanka hortooda ka soo jeediyey Xeer ilaaliyaha Guud ee Koonfur Galbeed Abukaate Sheekh Aadan Mukhtaar (Shuuri).

Xildhibaanadaan ayaa dhawaan maamulka Koonfur Galbeed ku eedeeyay inuu ku fashilmay arrimaha amniga, cadaaladda iyo arrimaha Bulshada, musuq maasuq iyo in dad gaar ah ku tagri falaan awooddaha maamulka.

Xog ay heshay Caasimada Online ayaa sheegeysa in seddexdaan xildhibaan ay si cad uga hor yimaadaan qaabka uu Laftagareen u maamulayo Koonfur Galbeed iyo siyaasadiisa ku aadan Dowladda Dhexe.

Hase yeeshee Lafta-gareen, oo Koonfur Galbeed u rogay xukun kali-talis ah, ayaa u dulqaadan waayey in maamulkiisa la dhalleeceeyo, wuxuuna beegsaday xildhibaanada.

Caasimada Online waxay leedahay App casri ah, waxaadna kala soo degi kartaa link-yada hoose:

iPhone: Halkan Click sii
Android: Halkan Click sii

The post Magacyada iyo beelaha 3 xildhibaan oo xasaanadda uu ka qaaday Lafta-gareen appeared first on Caasimada Online.