Yaa ku tartamaya Doorashada ka bilaabatay magaalada Kismaayo?

[Deeq A.]

Doorashada lix kursi oo kamid ah Golaha Shacabka Baarlamanka Federaalka Soomaaliya, ayaa saaka ka bilaabatay magaalada Kismaayo ee xarunta KMG Jubaland.

Guddiga Doorashada heer Dowlad Goboleedka Jubaland, ayaa shalay dhammaystiray diiwaan-gelinta iyo shahaada-siinta dadka ku tartamaya kuraastaas.

Kursiga kowaad waxa ku tartamaya wasiirka Maaliyadda Jubaland, Cabdirashiid Jire Qalinle iyo Siyaad Aadan Iidle, halka kursiga labaad ay ku tartamayaan Maxamed Cali Cumar iyo Ibraahim Cabdulle Ibraahim.

Kursiga saddexaad waxa ku tartamaya Guddoomiyihii Guddiga Doorashadii dib loogu doortay Axmed Madoobe oo lagu magacaabo, Xamse Cabdi Barre iyo Axmed Maxamed Maxamuud.

Kursiga afraad waxa ku tartamaya Wasiirka Dekedaha Soomaaliya Maryan Aweys Jaamac iyo Saynab Cali Muganga.

Kursiga shanaad waxa ku tartamaya Sahra Jaamac Cali iyo Fartuun Axmed Yuusuf halka kursiga lixaad ay ku tartamayaan Xasan Cabdi Ismaaciil Xasan Yare iyo Maxamed Farax Muxumed.

PUNTLAND POST

The post Yaa ku tartamaya Doorashada ka bilaabatay magaalada Kismaayo? appeared first on Puntland Post.