Hogaanka Xisbiga Wadani oo Gurigiisa Ku Booqdey Suldaan Barre Xaaji Xussen oo ka mida Salaadiinta Beelaha Arab

[Deeq A.]

Hogaanka Xisbiga Wadani oo Gurigiisa Ku Booqdey Suldaan Barre Xaaji Xussen oo ka mida Salaadiinta Beelaha Arab

 

Musharraxa madaxweyne ee xisbiga Waddani mudane Cabdiraxmaan Cirro iyo Guddoomiyaha xisbiga Waddani Md Xirsi Cali X Xasan ayaa caawa gurigiisa magaalada Hargeysa ku booqday Suldaan Barre xaaji Xuseenoo ka mid ah madax dhaqameedka beesha Arab kaas oo safar caafimaad ugu bixi doona dalka dibadiisa .

Musharrax Cirro Iyo Madaxda wehelinaysay ayaa suldaanka Eebbe uga baryey in uu caafimaad buuxa siiyo dalka ku soo nabad celiyo isaga oo caafimaadkiisu taam yahay .

Dhanka kale Suldanka Barre ayaa aad iyo aad uga mahad celiyey booqashada ay ugu yimaaddeen waftiga xisbiga Waddani , waxaana uu xusay inuu booqashadooda filanaayey isla markaana ay tahay mid ay iska mudan yahiin .

Suldaanka ayaa ayaa xusay in uu wakhti hore uu bixi lahaa balse dib u dhaca ay sababtay kadib markii loo diiday Visihii dalka Turkiga , iminkana uu safarkiisan caafimaaad ku tegi doono dalka Hindiya .

Sidoo kale booqashadan waxaa qeyb ka ahaa saraakiil sarsare oo xisbiga waddani ah kuwaas oo ay ka mid yahiin Gudoomiye ku xigeen Milgo Maxamed Sanbalooshe , Xoghayaha Ciyaaraha Yuusuf Nuux Yuusuf Tadhase , gudoomiyaha degamada Axmed Dhagax ee xisbiga Waddani Siyaasi Maxamed Cali Madoobe , Siyaasi Kayd iyo masuulyiin kale.

Qaran News