Dagaal Culus Oo Mar Kale Saaka Dib Uga Qarxay Magaalada Boosaaso

[Deeq A.]

(SLT-Boosaaso)-Dagaal xooggan ayaa aroornimadii hore ee saaka mar kale dib uga qarxay qeybo ka mid ah magaalada Boosaaso, gaar ahaan goobihii ay isku hor fadhiyeen ciidamada amniga maamul gobolleedka Puntland iyo kuwa PSF.

Dadweynaha magaalada Boosaaso ayaa ku waaberiistay daryanka hubka daran-doorriga u dhaca oo ay labada dhinac is waydaarsanayaan, welina lama hubo khasaaraha uu dhaliyey.

Warar aan helayno waxay sheegayaan in madaxweynaha Puntland Siciid Deni oo shalay dib ugusoo laabtay magaalada Garowe uu amar ku bixiyay in ay ciiddanka Puntland soo afjaraan howlgalka Boosaaso.

Lama oga khasaaraha ka dhashay, waxaana xaafaddaha dagaalku ka socdo ka billaamay barakac aad u ballaadhan.

Afhayeenka u hadlay ciiddanka PSF ayaa sbeegay in ay guulo ka gaadheen dagaalkii shalay ka dhacay magaalada Boosaaso, wuxuuna sheegay in ay isku fidiyeen goobihii shalay lagu dagaalamay iyo aagga madaxtooyada.

Afhayeenku wuxuu sheegay in ciidamo ka tirsan Puntland iyo gaadiidkooda dagaalka ay kusoo biireen dhinaca PSF, isagoo sheegay in ay iska difaacayaan duullaan kasta oo kaga yimaada madaxweyne Deni sida uu sheegay.

Source