BIG_BOY Posted January 20, 2003 Ninkastoo kalaho ama kabtiyo, ama kur dheer fuulo Bad kalluun ku jira kulay ku tahay, amase kooobshaaha Kulligood addoomaha Rabow, qaybshey kibistiiye Nin waliba wixii loo katibay, waa la kulansiine Ninna inaanu soo kororsanayn, kaa ha la ogaado Kufri iyo Islaan loo collow, kaysihii hore e Kaakici wadaadkii jihaad, laguna kaalmeeye Kumanyaal lag wada duub cad buu, keenay Beerdhigae Waxse kadabki go'ay maalintuu, kaday raggiisiiye Kabaalkiina wuxuu jabay markuu, kariyey ReerKhayre Ragow kibirka waa lgu kufaaa, kaa ha la ogaado! Annaa dunida keligay leh buu, Koofil eersadaye Kashiisaba ma gelin wiil yar baa, keebka kuuqabane Raggow kibirka waa lagu kufaa, kaa ha la ogaado! Kaysaha adduun Ina Ammaan, kama qaraacayne Ragba keeno geli buu is yiri, waw koraysaaye Isba kii asraa'iilay ma hadin, kamana yaabayne Raggow kibirka waa lagu kufaa, kaa ha la ogaado! Ninka koob nimca fiiqsadee, kadin irmaan maalay In karruurka uu qubo horay, kaafka ugu tiile Kuligoodba Reer Hagar anaa, kiinahaa dilaye Kama'a Sugule maantii sidii, kuray carruureede Ficil baa kacshaye naagta way, kala fogaayeen Raggow kubirka waa lagu kufaa, kaa ha la ogaado! Kuwii Muxumud Waal raray hadduu, saanta uga kaadsho Kulcad uma diloon oo ciyoon, koor ma geliyeene Ragow kibirka waa lagu kufaa, kaa ha la ogaado! Afxakame karkabaddii u ay, iyo kulaylkiiye ka danbee Caluu yiri intuu, Kaaha guursadaye Kii kalena kaal weyn u tumay, karina waabeeye Kalluun shebeg u yaal buu ahaa, kicina Shaydaane Raggow kibirka waa lgu kufaa, kaa ha la ogaado! Kelyo caana galeen baa ninkii, kiciyey dheeraaye Cartan dhuurta kooraha markuu, kor ugu laalaayey Garaad Faarax dhey iyo karuur, kala macaanaaye Misna kala kharaaraa dhunkaal, kulankii goobeede Ragow kibirka waa lagu kufaa, kaa ha la ogaado! Amuuraha ma kaadsado ninkay, kedo shidaysaaye Kalaamkuu lahaa Ina Galaydh, kahay gadaalkiiye kaarkuba ma joogeen hadduu, keeno tuluddiiye Baalacal kelyaha kuma jareen, kii uu quursadaye Ragow kibirka waa lagu kufaa, kaa ha la ogaado! Lixda koos ee Reer Cali Garee, kow isaga siiyey Kasi waaye wuxu waa qabaal, waadna kabataane Ragow kibirka waa lagu kufaa, kaa ha la ogaado! Nin kuwaa ka dhigan baan arkoon, kadab u laabnayne Karraysaha intuu buuxsaday oo, kaman wan weynyeeshay Yuu duul karaamiyo colba leh, kiish ka buuxsadaye Ka shib dhaha islaamow naftii, kii ladnaa gadaye Quote Share this post Link to post Share on other sites
