Doorashada kursiga Jawaari oo la hakiyay iyo Mursal oo dib loo doortay

[Deeq A.]

Guddiga doorashooyinka heer federaalka ayaa maanta hakiyay doorashada kursiga sumadiisu tahay HOP#103 oo uu ku fadhiyay Pro. Maxamed Cismaan Jawaari.

Qoraal ka soo baxay guddiga heer federaal ayaa lagu yiri “waxaan faraynaa guddoonka iyo guddiga doorashada Koonfur Galbeed in la joojiyo qabashada doorashada kursiga tirsigiisu yahay 103 ilaa amar danbe”.

“Amarka hakintaani wuxu soconayaa ilaa inta guddigu ka xalinayo tabashooyinka ka soo yeeraya habraaca loo marayo” ayaa qoraalka lagu daray.

Dhanka kale guddoomiyaha Golaha Shacabka Maxamed Mursal Sheekh Cabdiraxmaan ayaa loo doortay inuu mar kale noqdo xildhibaan ka tirsan Golaha Shacabka.

Guddoomiye Mursal ayaa u tartamayay kursigisii uu ku fadhiyay ee HOP#182, isagoo helay codad gaaraya 88 cod, kadib doorasho maanta ka dhacday magaalada Baydhabo.

PUNTLAND POST

The post Doorashada kursiga Jawaari oo la hakiyay iyo Mursal oo dib loo doortay appeared first on Puntland Post.