Madaxweyne Farmaajo oo magacaabis sameeyay

[Deeq A.]

• Prof. Maxamed Dheere

Madaxweynaha dowadda Federaalka Soomaaliya Maxamed Cabdullaahi Farmaajo ayaa Agaasimaha Guud ee Madaxtooyada Qaranka u magacaabay Prof. Maxamed Cabdullaahi Ciise (Dheere).

Wareegtada magacaabista ayaa lagu sheegay in Prof. Maxamed Dheere uu leeyahay khibrad shaqo oo kor u dhaafaysa 28 sanadood, uuna si gaar ah uga soo shaqeeyay arrimaha siyaasadda, maamulka iyo horumarinta bulshada.

Madaxweyne Maxamed Cabdullaahi Farmaajo ayaa faray Agaasimaha cusub inuu si hufan u guto hawlaha muhiimka ah ee haatan horyaalla, wuxuuna Alle uga baryay inuu u fududeeyo mas’uuliyadda loo igmaday.

Prof. Maxamed Dheere ayaa beddelay Agaasimihii hore ee Madaxtooyada Qaranka Cabdisaciid Muuse Cali oo dhawaan loo magacaabay Wasiirka Arrimaha Dibadda iyo Iskaashiga Caalamiga.

PUNTLAND POST

The post Madaxweyne Farmaajo oo magacaabis sameeyay appeared first on Puntland Post.