Doorashooyin ka dhacaya Dhuusamareeb iyo Baydhabo

[Deeq A.]

Doorashada kursi kamid ah kuraasta Golaha Shacabka Baarlamaanka Federaalka ee degaan doorashadiisa tahay Galmudug ayaa Maanta oo sabti ah ka dhaceysa Magaalada Dhuusamareeb ee Caasimadda Maamulkaas.

Kursiga doorashadiisa ka dhaceysa Magaalada Dhuusamareeb ayaa waxaa tirsigiisu yahay HOP54, waxaana afartii sanno ee lasoo dhaafay ku fadhiyey Xildhibaan Cabdishakuur Cali Mire oo kamid ahaa Golaha Shacabka.

Guddiga doorashada Galmudug ayaa Musharaxiin u diiwaan-geliyay tartanka kursiga HOP54, isla markaana waxaa doorashada la filayaa in Xarunta Baarlamaanka Maamulka ka bilaabato saacadaha soo socda ee Maanta, sida uu qorshahu yahay.

Dhinaca kale Doorashada saddex kursi oo kamid ah Golaha Shacabka ayaa ka dhacaysa magaalada Baydhabo sida ay shaaciyeen Guddiga Doorashada heer Koonfur Galbeed

PUNTLAND POST

The post Doorashooyin ka dhacaya Dhuusamareeb iyo Baydhabo appeared first on Puntland Post.