Rooble oo dowlad goboleedyada ka dalbaday in ay 24 saac gudahood ku bilaabaan doorashada

[Deeq A.]

Ra’iisul wasaare Rooble oo hadal kooban ka jeediyay Casha Sharaf xalay loogu sameeyay magaalada Dhuusamareeb ayaa ka hadlay dib u dhaca doorashada Golaha Shacabka.

Ra’iisul wasaaraha ayaa soo dhoweeyay hadal uu kulankaas ka sheegay madaxweynaha Galmudug Axmed Cabdi Kaariye Qoor kaas oo ahaa in Galmudug maalmo gudahood ku bilaabayso doorashada.

Ra’iisul wasaare Rooble ayaa madaxda dowlad goboleedyada kale ka codsaday in ay mudda 24 saac gudahood ah ku bilaaban doorashada Golaha Shacabka Baarlamanka Federaalka Soomaaliya.

Wuxu sheegay in shacabka Soomaaliyeed sugayaan in doorashada Golaha shacabka la soo geba-gabeeyo ka hor inta uusan dhammaan sannadkan 2021.

PUNTLAND POST

The post Rooble oo dowlad goboleedyada ka dalbaday in ay 24 saac gudahood ku bilaabaan doorashada appeared first on Puntland Post.