Caaqil Shuuqe oo lagu caleema-saaray Garowe

[Deeq A.]

Caaqil Cabdiraxmaan Caaqil Diiriye Caaqil Samatar (Shuuqe) oo ka mid noqonaya odayaasha dhaqanka gobolka Nugaal ayaa maanta lagu saleema-saaray magaalada Garowe.

Munaasabada lagu caleema-saarayay Caaqil Shuuqe oo ka dhacday deegaanka dalxiiska ee Hidda-raac waxaa ka qeybgalay madaxweyne ku-xigeenka Puntland Axmed Karaash, mas’uuliyiin kale oo ka tirsan Puntland, isimo, nabadoono, siyaasiyiin, ganacsato iyo qaar ka mid ah qeybaha bulshada Garowe.

Mas’uuliyiintii iyo waxgaradkii munaasabada ka hadlay ayaa Caaqil Shuuqe ku boggaadiyay in uu ahaa shakhsi marwalbo ka shaqeeya nabadda iyo horumarka, waxayna Alle uga baryeen inuu u fududeeyo mas’uuliyadda loo igmaday.

Caaqil Cabdiraxmaan Diiriye Samatar waxa uu badelayaa allaha u naxariistee Nabadoon Maxamed Diiriye Samatar oo bilo ka hor ku geeriyooday magaalada Garowe.

PUNTLAND POST

The post Caaqil Shuuqe oo lagu caleema-saaray Garowe appeared first on Puntland Post.