Qoorqoor oo soo dhameystiray musharaxiinta Aqalka Sare

[Deeq A.]

Madaxweynaha Galmudug Axmed Cabdi Kaariye (Qooroor) ayaa caawa soo saaray liiska xubnaha musharixiinta u tartami doona labada kursi ee ka dhiman Golaha Aqalka Sare ee baarlamaanka federaalla Soomaaliya.

Liiska waxaa ka soo muuqday Cabdi Xasan Cawaale Qeybdiid oo kamid ahaa Aqalka Sare ee waqtigoodu dhammaay, halka laga reebay Axmed Ducaalle Geelle Xaaf oo loolan adag ugu jiray sidii uu ku heli lahaa kursigan.

Wararka ayaa sheegaya in Xaaf lagu qanciyay in uu tartamo kursi ka mid ah Golaha Shacabka oo deegaan doorashadiisu tahay magaalada Gaalkacyo.

Kursiga kale oo ay isku khilaafsanayeen madaxweyne Qoorqoor iyo ku xigeenkiisa uuna horay ugu fadhiyay Cabdiwaaxid Goonjeex ayaa loo soo sharaxay Cabdi Cismaan Xareed iyo Mahdi Aadan Guuleed.

PUNTLAND POST

The post Qoorqoor oo soo dhameystiray musharaxiinta Aqalka Sare appeared first on Puntland Post.