Taliyaha Cusub ee Booliiska Puntland oo xilka la wareegay

[Deeq A.]

Taliyaha cusub ee Ciidanka Booliiska Puntland S/Guuto Maxamed Cali Xaashi ayaa xalay si rasmiya ula wareegay xilka.

Munaasabad ka dhacday xarunta Taliska Booliiska ee Caasimadda Garoowe islamarkaana ay ka qayb-galeen mas’uuliyiin kala duwan ayuu xilka kula wareegay Taliye Maxamed Cali Xaashi.

Taliyihii hore ee Booliiska Puntland Gen. Cabdi Yare Xasan Xuseen oo xilka wareejiyay ayaa Taliyaha cusub u rajeeyay in uu ku guulaysto mas’uuliyadda loo idgmaday.

Sidoo kale Taliyaha cusub Maxamed Cali Xaashi ayaa uga mahad-celiyay Taliyihii hore shaqadii uu ka qabtay Amniga wuxuna ballan-qaaday in uu halkaas ka sii wadi doono Shaqada.

PUNTLAND POST

The post Taliyaha Cusub ee Booliiska Puntland oo xilka la wareegay appeared first on Puntland Post.