Gaalkacyo: Booliiska Puntland oo gacanta ku dhigay hoggaamiye shabakad lagu raad-joogay

[Deeq A.]

Ciidanka Booliiska Gobolka Mudug ee dowladda Puntland oo xalay hawlgal qorshaysan ka fuliyay xaafadda Garsoor ee magaalada Gaalkacyo ayaa sida la xaqiijiyay gacanta ku dhigay hoggaamiye shabakad ku caan ah ka ganacsiga Khamriga.

Saraakiisha Booliiska Gobolka Mudug ayaa Puntland Post u xaqiijiyay in hawlgalka lagu qabtay saddex kamid ah shabakad ku caan ah Khamriga oo uu ku jiro hoggaamiyihii kooxdaas.

Saddexda nin ayaa xabsiga loo dhaadhiciyay si baaritaan loogu sameeyo waxaana hubkoodii la wareegay Booliiska.

Shabakaddaas oo in mudda ah lagu raad-joogay ayaan qaarkood weli gacanta lagu dhigin sida ay sheegeen Saraakiisha Booliiska.

PUNTLAND POST

The post Gaalkacyo: Booliiska Puntland oo gacanta ku dhigay hoggaamiye shabakad lagu raad-joogay appeared first on Puntland Post.