Xisbiga KULMIYE Oo Lumiyey Mid Ka Mid Ah Beelaha Awdal oo Xisbigaasi si weyn u Taageeri jiray tan iyo 2008-dii.

[Deeq A.]

Xisbiga Kulmiye Oo Lumiyey Mid Ka Mid Ah Beelaha Awdal oo Xisbigaasi si weyn u Taageeri jiray tan iyo 2008-dii.

Mid ka mid ah Beelaha Gobolka Awdal dega ee sida weyn u taageeri jiray Xisbiga Kulmiye tan iyo 2008-dii, ayaa ku biiray Xisbiga Mucaaradka ah ee Waddani, iyada oo caawa xaflad soo dhawayn ah oo ay ka qayb galeen Madaxda u sarreysa Xisbigaas loogu qabtay Magaalada Boorama.

Beeshan ku biirtay Xisbiga Waddani oo ah Beesha uu ka soo jeedo Madaxweyne Ku-xigeenka Somaliland Cabdiraxmaan Saylici, ayaa waxa xubnaha hormuudka u ahaa ka mid ah Aqoonyahanno, Siyaasiyiin, Waxgarad iyo dhalinyarro.

Beeshan ayaa sheegtay in ay ka baxday Kulmiye oo ay lafdhabar u ahaayeen muddo dheer, ayaa loo aanaynayo ka bixitaankooda Xisbiga Kulmiye inuu la xidhiidho saluug ay Xisbigaasi la qabaan, maadaama oo laga saaray Hoggaanka Xisbiga Kulmiye oo ay xubin hore ugu lahaayeen oo ahayd Guddoomiye kuxigeenka Afraad oo Saylici oo hayey tan iyo 2008-dii, isla markaana Kursigaas la siiyey Maxamuud Xasan Saajin oo ah Wasiirka Ganacsiga, oo isaguna ka soo jeeda mid ka mid ah Beelaha Awdal.

Mid ka mid siyaasoyiinta Beeshan, ayaa doonaya inuu ka mid noqdo Hoggaanka sare ee Xisbiga Waddani, marka la gaadho shirweynaha bisha dambe.

• 
• 
• 
• 
• 
• 
• 
• 
• 
• 
• 
• 
• 
• 
• 
• 

Source