Puntland: Urur Siyaasadeedka KAAH oo ganaaxyo lagu soo rogay

[Deeq A.]

Guddiga KMG Doorashooyinka Puntland ee TPEC, ayaa shaaciyay in Urur Siyaasadeedka KAAH uu jebiyay Qodoba kamid ah Xeerka Doorashooyinka Puntland.

Gudiga ayaa soo bandhigay caddaymo muujinaya in Mas’uuliyiinta Urur Siyaasadeedka KAAH ay olole ka baxsan Jadwalkooda ka sameeyeenTuulada Xasbahalle oo ka tirsan Degmada Eyl ee Gobolka Nugaal, islamarkaana baal-mareen Jadwalka loo dejiyay Ololaha Ururada Siyaasadda.

Guddiga oo Maanta kulan gaar ah ka yeeshay Arrintaas, ayaa Urur Siyaasadeedka KAAH ku ganaaxay lacag dhan $1000 Dollar, taas oo lagu amray in ay ku bixiyaan mudda saddex maalmood ah, waxaana meesha laga saaray Isu soo baxii qorshaysnaa in 22-ka bishan KAAH ka sameeyo Tuulada Xasbahalle.

Mas’uuliyiinta Ururka KAAH ayaa sidoo kale looga digay in aysan xad-gudub dambe ku samayn Jadwalka Ololaha Ururada Siyaasadda Puntland.

Halkaan ka akhriso warqadda Ganaaxa

PUNTLAND POST

The post Puntland: Urur Siyaasadeedka KAAH oo ganaaxyo lagu soo rogay appeared first on Puntland Post.